Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Bani pambobai koor. Psalm ni si Daud. Sada doding. (65-2) Ham do na patut sipujion, ale Naibata, i Sion, anjaha Bamu do sigalaron bagah-bagah.
2 (65-3) Ham sitangihon tonggo, Bamu do roh sagala na manggoluh.
3 (65-4) Hasalahan do na manrungkub ahu; panlanggaronnami Ham do na manasap in.
4 (65-5) Martuah ma halak na pinilih-Mu, na pinalopas-Mu roh dohor marianan i alaman-Mu. Sai bosur ma hanami ibahen hinadear ni rumah-Mu, rumah-Mu na pansing in.
5 (65-6) Marhatunggungon, domu hubani hapintoron, ibalosi Ham do hanami, ale Naibata ni hatuahonnami, hatengeran ni sagala ujung ni tanoh on pakon laut na madaoh,
6 (65-7) na pajonamkon sagala dolog marhitei hagogohonni, na margonditkon hagogohon,
7 (65-8) na mambahen laut minop ampa parhasak ni gilumbangni, sonai homa halutuon ni bangsa-bangsa.
8 (65-9) Jadi mabiar ma halak na i ujung ni tanoh on mangidah halongangan-Mu, anjaha hapoltakan ampa hasundutan marolob-olob do ibahen Ham.
9 (65-10) Itohu Ham do tanoh in, anjaha marbah ibahen Ham, Ham do na mambahen bayak nornor in. Gok bah do bah tubuh ni Naibata, Ham do na pasirsir omei bani sidea. Tongon, sonon ma ibahen Ham pasirsirhonsi:
10 (65-11) Ham do na mangarbahi paninggalaanni, Ham do na manlumati olbakni. Ham do pagaburhon ai marhitei bah udan, anjaha Ham do na mamasu-masu suan-suananni.
11 (65-12) Ham do na mansortalii partahunan marhitei dear layak-Mu, manektekkon minak do sagala bokas-Mu;
12 (65-13) mombur do sampalan na i pamah, anjaha raboyon margonditkon olob-olob;
13 (65-14) marpakeian hulanan ni biribiri do sompalan, habungan-habungan marhiouhon omei; marsurak-surak do sidea, mandoding-doding tene.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA