Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Bani pambobai koor. Marhasoman tulila. Psalm ni si Daud. (5-2) Sai tangihon Ham ma hatangku, Ham Jahowa, anjaha pardiateihon Ham ma hoih-hoih ni uhurhu.
2 (5-3) Tangihon Ham ma dilo-dilongku Ham Rajangku anjaha Naibatangku, ai hu Bamu do ahu martonggo.
3 (5-4) Ham Jahowa, girah sogod do itangihon Ham sorangku, girah sogod do ahu marugas marayak Ham anjaha manatap-natap.
4 (5-5) Ai sedo Naibata na mangkarosuhkon hagedukon ia Ham, seng boi tondok paruhur na geduk i lambung-Mu.
5 (5-6) Seng tahan sigijang uhur i lobei ni panonggor-Mu, sogam do uhur-Mu bani sagala sihorjahon hajahaton.
6 (5-7) Iparseda Ham do sagala halak sisahapkon ladung, ihagigihon Ham do siduruskon daroh pakon panipu.
7 (5-8) Tapi anggo ahu, halani banggal ni idop ni uhur-Mu, sai masukanku do rumah-Mu, manrogop do ahu dompak rumah-Mu na pansing in, marhasoman biar Bamu.
8 (5-9) Ham Jahowa, togu Ham ma ahu ibagas hapintoron-Mu, halani imbang-imbangku, pahornop Ham ma dalan-Mu i lobeihu.
9 (5-10) Ai seng dong na sintong ibagas pamangan ni sidea, na ilat do pingkiranni ibagas, songon tanoman na tanggak do tolonan ni sidea, ipalandit-landit do dilahni.
10 (5-11) Salahkon Ham ma sidea, Ham Naibata, sai madabuh ma sidea halani tahi-tahi ni sidea, ambukkon Ham ma sidea halani buei ni panlanggaronni, ai dompak Ham do sidea manlawan.
11 (5-12) Tapi sai na marmegah-megah do sagala na marlingod Bamu, marolob-olob do sidea sadokah ni dokahni, halani Ham do parlingodan bani sidea. Sai marolob-olob do ibagas Ham na mangkaholongi goran-Mu.
12 (5-13) Ai Ham do Jahowa na mamasu-masu na pintor maruhur; iliotkon Ham do idop ni uhur-Mu hubani sidea songon gantar.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA