Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Masmur Daud.

² Ku Kam aku cicio o TUHAN ula pelepas aku kemalun. Kam kap Dibata si bujur, mindo aku, maka IkeliniNdu aku.

³ Begiken min pertotonku pedas min Kam reh mulahi aku. Jadi min Kam deleng batu inganku cicio, kubungku si nteguh inganku terkawal.

⁴ Kam kap ingan cebuni dingen bentengku, tegu-tegu dingen babai aku erkiteken GelarNdu.

⁵ Tegu-tegu aku maka ula aku kena siding itogeng kalak man bangku. Ampang-ampangi aku maka ula aku kena cilaka.

⁶ Kuendesken geluhku bas TanNdu, o TUHAN kam kap si ngkelini aku. Kam kap Dibata si Setia.

⁷ Nembeh AteNdu kalak si nembah man dibata-dibata si palsu, tapi aku ernalem man BaNdu.

⁸ Ersurak dingen meriah kuakap, sabap Kam tetap ngkelengi aku. IdahNdu kiniseranku, IetehNdu kesuhsahenku.

⁹ La IpediatNdu aku itangkap musuh-musuhku, tapi iberendu aku lawes ku ja ateku.

¹⁰ Mekuah min AteNdu aku o TUHAN, sabap aku i bas kiniseran. Besar matangku ndekahsa tangis, lanai lit sitik pe gegehku.

¹¹ Wari-wari geluhku kudalani i bas kepiceten, tangisku pegendek umur geluhku. Kote aku perban kiniseran-kiniseranku, seh maka nggo mumuk pe tulan-tulanku.

¹² Pergeluhku jadi pertawa-tawan man imbang-imbangku, teman-teman sada kesain megombang man bangku. Kerina kalak si nandai aku sengget ngidah aku, tupung kami simbel kiam ia kerina.

¹³ Ipebalina aku ras barang si la terpake, dingen ilupakenna desken kalak mate.

¹⁴ Kubegi imbang-imbangku erkusik-kusik, emaka kebiaren lit sekelewetku. Erpekat ia ngelawan aku isurakenna munuh aku.

¹⁵ Tapi Kam kap pengarapenku, o TUHAN, Kam kap Dibatangku.

¹⁶ Kidekah umur geluhku aku tetap i bas TanNdu pulahi aku i bas imbang-imbangku nari, i bas kalak si ngayak-ngayak aku.

¹⁷ Perdiateken min aku suruh-SuruhenNdu, erkiteken KiniulinNdu erdandanken keleng AteNdu, kelini min aku.

¹⁸ Erlebuh aku man BaNdu o TUHAN, ula pediat aku kemalun. Bahanlah maka juru me kalak jahat alu lanai ngerana lawes ia kubas doni kematen.

¹⁹ Sompel min babah kalak perbual, si megombang dingen medorun si medorun kalak bujur.

²⁰ Andiko buena KiniulinNdu, si IsikapkenNdu man si pemuliaken Kam! Kerina kalak meteh kai si IlakokenNdu, man kalak si cilinggem kempak Kam.

²¹ IbunikenNdu ia i bas adep-AdepenNdu, nandangi pertakin kalak jahat. IbunikenNdu ia i bas pemunin si sikap, nandangi imbang-imbangna si perancuk-ancuk.

²² Pujilah TUHAN! Andiko belinna keleng ate si IcidahkenNa, tupung aku ikepung dingen iserang imbang.

²³ Mbiar aku tupung e, janahku rukur ningku, "Aku nggo ipelawes i bas adep-AdepenNdu nari. Tapi nggo IbegikenNdu pemindonku, tupung aku erlebuh mindo penampat."

²⁴ O kalak si patuh, kelengilah TUHAN! IpulahiNa kalak si patuh. Tapi kalak megombang iukum TUHAN bagi patutna. <31:25> - Piherken dingen tetapkenlah ukurndu, o kam kerina si erpengarapen man TUHAN!

Mazmur

Video Mazmur 31

Ikuti Kami:

KONTAK | PARTISIPASI | DONASI