Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Psalm ni si Daud. Bere nasiam ma bani Jahowa, nasiam parnagori atas, bere nasiam ma bani Jahowa hamuliaon pakon hagogohon.

² Bere nasiam ma bani Jahowa hamuliaon ni goran-Ni; manrogop ma nasiam i lobei ni Jahowa marpakeian na ma pansing.

³ Sora ni Jahowa do i atas ni sagala bah, Naibata ni hamuliaon do parohkon longgur. Jahowa do i atas ni bah na bolag.

⁴ Gok hagogohon do sora ni Jahowa; gok do hajombuton bani sora ni Jahowa.

⁵ Sora ni Jahowa do mamonggolhon hayu ares; nai ma, Jahowa do na mamonggolhon hayu ares i Libanon.

⁶ Ibahen do sidea manlumpat-lumpat songon anak ni lombu, Libanon ampa Sirion songon anak ni horbou jalang.

⁷ Sora ni Jahowa do manjimburhon apuy.

⁸ Sora ni Jahowa do mambahen dugur halimisan, idugur Jahowa do halimisan Kades.

⁹ Sora ni Jahowa do mambahen mangarou balua, anjaha leseng do ibahen tombak. Anjaha i rumah ni Jahowa haganup do mangkatahon, “Hamuliaon!”

¹⁰ Marhotak do Jahowa i atas ni bah marbanggal, marhotak do Jahowa songon Raja sadokah ni dokahni.

¹¹ Jahowa do mambere gogoh bani bangsa-Ni, Jahowa do mamasu-masu bangsa-Ni ibagas damei.