Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Jaburra Daud. He lok-mahlok sowarga, molja’agi PANGERAN, molja’agi kaagungan ban kobasana.
2 Molja’agi asmana PANGERAN se molja, semba Salerana sambi ngangguy kalambi kabakteyan.
3 Allah se agung asowara akantha galudhuk e attas tase’, sowarana metto ro-sarowan e attassa tase’ raja.
4 Sowarana PANGERAN ekaedhing agandhu’ kakowadan ban kobasa.
5 Sowarana PANGERAN magujur ka’-bungka’an, masempal bungkana comara Libanon.
6 Ngedhing sowara jareya Gunong Libanon sampe’ alonca’ akantha budhu’na sape, Gunong Siriyon abintal akantha budhu’na banteng.
7 Sowarana PANGERAN andaddiyagi kelap ngareddhap.
8 Sowarana PANGERAN magundhek ra-ara beddhi, PANGERAN magundhek ra-ara beddhi Kades.
9 Sowarana PANGERAN maguli ka-bungkana berrangan, maronto un-dhaunan e dhalem alas, sabatara e Padalemman Socce ommat ra’-era’an, "Molja’agi Pangeran!"
10 PANGERAN kobasa ka ba’a, kobasa menangka Rato salanjangnga.
11 Moga PANGERAN marengana kakowadan ka ommadda, ban mataremtem sarta manyaman odhi’na.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA