Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ I bas Daud nari. TUHAN sekawalku, erlebuh aku BaNdu, dengkehken min perserkongku. Adi la aku IaloiNdu, nusur me aku ku doni kalak mate.

² Begiken min aku tupung erlebuh mindo PenampatNdu, tupung aku ngangkat tanku kempak RumahNdu.

³ Ula UkumNdu aku radu ras kalak jahat, ras kalak si ngelakoken si la bujur. Kalak si percakap manis, tapi ukurna dem alu elem-elem.

⁴ Ukum min ia kerina sue ras perbahanenna, kerna si jahat si nggo ibahanna. Ukumlah ia sue ras kai si ibahanna baliken man bana ukumen bagi patutna.

⁵ PerbahanenNdu, TUHAN, la diatena pe si IbahanNdu pe la IperdiatekenNa. Emaka IberekenNdu ukumen man bana, jenari IkernepkenNdu ia rasa lalap.

⁶ Pujilah TUHAN, sabap nggo IbegikenNa pemindonku.

⁷ TUHAN kap gegeh dingen ampang-ampangku man BaNa aku ernalem. Ia si nampati ras periah ukurku, kupuji ia alu ende-enden si meriah.

⁸ TUHAN si ngkawali BangsaNa, IbelaNa ras IselamatkenNa raja PilihenNa.

⁹ Kelini BangsaNdu o TUHAN, pasu-pasulah bangsa PusakaNdu. Permakanilah ia, pekena-kenalah seh rasa lalap.