Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Jaburra Daud. PANGERAN reya tang sonar ban tang kasalameddan, apa se ekatako’e sengko’! PANGERAN reya binteng se ngaobi sengko’, sengko’ ta’ kera tako’ pa-apa.
2 Mon badha oreng jahat se mateyana sengko’, oreng jareya dibi’ se tatandhung, laju labu.
3 Maske sengko’ ekeppong pasukanna moso sabannya’na, sengko’ ta’ kera tako’. Maske badha perrang, sengko’ se eserrang, tang pangarep ta’ kera elang.
4 Pera’ settong tang parnyo’onan ka PANGERAN, pera’ reya tang pangaterro, tadha’ laenna: terro ennengnga e Padalemman Socce saomorra, sopaja bisa’a arassa’agi kasaeyanna PANGERAN, sarta nyo’on petoduna.
5 PANGERAN ngaobi sengko’ e dhalem karekongan; sengko’ eerrep e Padalemmanna, ban eangka’ ka gunong bato se tenggi.
6 Sateya sengko’ mennang ka moso e sabingkerra tang aba’, daddi sengko’ ngatorragi kurban sokkor e Padalemmanna; sambi asorak gumbira sengko’ anyanye mojiya PANGERAN.
7 Manabi abdidalem aserro ka Junandalem, peyarsa’agi, GUSTE, kabellasi abdidalem, saodi abdidalem!
8 Junandalem adhabu, "Mara dha’ enna’ nyemba ka Sengko’." Abdidalem nyaot, "Abdidalem nyabisa, GUSTE;
9 Junandalem ja’ ngetek dhari abdidalem, GUSTE." Junandalem ja’ duka, abdidalem ja’ tolak, sabab Junandalem se ampon nolong abdidalem. Ya Allah, Junandalem panyalamet abdidalem; abdidalem ja’ dinggallagi, abdidalem ja’ buwangngagi.
10 Maske rama ebu adinggallagi sengko’, ALLAH paggun meyara sengko’ terros.
11 Dhabuwagi ponapa kasokannepon Junandalem, GUSTE, tontonnagi abdidalem e jalan se loros, sabab moso abdidalem ta’ sakone’.
12 Abdidalem ja’ passra’agi ka napsoepon moso, se nyerrang abdidalem ngangguy caca se lecek sambi ngara sareng ko’-nako’e.
13 Sengko’ yakin bakal ngalamana kabecce’anna PANGERAN e dhalem tang odhi’ e dunnya reya.
14 Mara arep partolonganna PANGERAN, pakowat ban pakoko atena. Onggu, mara arep partolonganna PANGERAN.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA