Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Pojiyan dhari Daud. Abdidalem ngagungngagiya Junandalem, Guste, Junandalem Allah sareng Rato abdidalem; abdidalem amolja’agiya Junandalem salanjangnga.
2 Sabban are abdidalem asokkora ka Junandalem, sareng amolja’agiya Junandalem salanjangnga.
3 Sabab PANGERAN agung ban sapantessa emolja’agi, pekkeranna manossa ta’ dhugga kaangguy ngarte parkara kaagunganna.
4 Ron-temoron oreng badhi amolja’agiya sadaja se elampa’agi Junandalem sareng aberta’agi kaparjuga’annepon Junandalem.
5 Reng-oreng gapaneka badhi aberta’agiya kaagungan sareng kamolja’annepon Junandalem, karyaepon Junandalem se makasambu’ ate sareng abdidalem epekkera epadhalem.
6 Reng-oreng gapaneka aberta’agi lalampa’annepon Junandalem se nako’e, abdidalem badhi ngabarragi kaagungannepon Junandalem, Guste,
7 Oreng badhi nyareta’agi kasaeyannepon Junandalem sareng anyanye parkara kaadilannepon Junandalem.
8 Pangeran reya taresna ban neserran, ta’ gampang duka ban taresna salanjangnga.
9 Salerana sae ka sakabbinna oreng, ban bellas ka sakabbinna cepta’anna.
10 Sadaja cepta’annepon Junandalem badhi amolja’agiya Junandalem, GUSTE, sadaja ommattepon Junandalem badhi asokkor ka Junandalem.
11 Sadajana padha ngagungngagiya kobasaepon Junandalem menangka Rato, sareng nyareta’agi kaparjuga’annepon Junandalem,
12 sopaja sadajana oreng padha onenga lalakon raja se elampa’agi Junandalem, sarta karaja’annepon Junandalem se molja sareng ce’ bagussa.
13 Pamarenta’annepon Junandalem teptep salanjangnga, kakobasa’annepon Junandalem paggun ron-temoron. PANGERAN esto ka dhabuna, taresna e dhalem sabarang se elampa’agi Salerana.
14 Pangeran nolong oreng se nemmo kasossa’an, majaga oreng se labu.
15 Junandalem pangarebbanna sadajana mahlok, Junandalem apareng teddha’an teppa’ baktona.
16 Junandalem nyokobi sadajana kaparlowanna, kantos tadha’ se kakorangan.
17 PANGERAN adil e dhalem sabarang se elampa’agi, ban taresna e dhalem sabarang se ejalannagi.
18 Pangeran semma’ ka oreng se aserro ka Salerana, sarta nyo’on ka Salerana kalaban berse atena.
19 Oreng alem epasenneng atena, serrona epeyarsa’agi ban epasalamet kabbi.
20 Pangeran ngaobi oreng se taresna ka Salerana, tape oreng se jahat epamate tadha’ karena.
21 Sengko’ ros-terrosan ngagungngagiya PANGERAN, moga sakabbinna mahlogga amolja’agi asmana salanjangnga.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA