Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Ende-enden pengataken bujur Daud. O Dibatangku, o Rajangku, kuberitaken ateku kerna KemulianNdu si mbelin asa lalap seh rasa lalap ateku ngataken bujur man BaNdu.
2 Tep-tep wari kukataken bujur man BaNdu, dingen rasa lalap ateku Kam kupuji.
3 TUHAN kap si Meganjangna, emaka arus man BaNa pujin si Meganjangna; la kap terukuri uga belinna KemulianNdu.
4 Kai si nggo IbahanNdu la banci lang terpuji i bas kerina kesusuren si arah pudi. PerbahanenNdu si mbelin la banci lang iberitakenna.
5 Ngerana ia kerna kiniulin ras KemulianNdu, janah PerbahanenNdu si mejin kukusur-kusur i bas pusuhku.
6 La banci lang ngerana kalak kerna PerbahanenNdu si mbelin, janah ermomo ateku kerna KemulianNdu.
7 Iturikenna kerina kerna belinna KiniulinNdu, janah rende kerna KinibujurenNdu.
8 TUHAN perkeleng dingen perkuah kap, la pedas Ia merawa, janah dem keleng ate si tetap.
9 Man ise pe mehuli Ia, janah keleng AteNa man kerina TinepaNa.
10 O TUHAN, kerina TinepaNdu muji Kam, kerina BangsaNdu ngataken bujur me.
11 Ngerana ia kerna kemulian KinirajanNdu, janah KinimbisanNdu IturikenNa.
12 Alu bage, kerina kalak meteh kerna PerbahanenNdu si mbelin, dingen kemulian KinirajanNdu si erdolat.
13 KinirajanNdu tetap rasa lalap, janah Kam me raja si rasa lalap. TUHAN tetap i bas kerina PadanNa, janah kai si IbahanNa mehuli kal kerina.
14 Kalak si mesera IsampatiNa, kalak si guling IteguNa.
15 Kerina si nggeluh ernalem man BaNdu saja. I bas paksana, IberekenNdu panganna si cukup.
16 IdadakenNdu TanNdu IperiahkenNdu pusuh kerina si enggeluh.
17 Bujur kap kerina perbahanen TUHAN, i bas kerina si IbahanNa Ia dem perkuah ate.
18 Man si erlebuh man BaNa ndeher kap Ia, si erlebuh man BaNa alu tutus ate.
19 IberekenNa keperlun kalak si erkemalangen man BaNa, IdengkehkenNa penderkuhna, jenari IkeliniNa ia.
20 Asa kalak si erkeleng ate man TUHAN IkawaliNa, tapi kalak jahat IkernepkenNa.
21 Rasa lalap ateku muji TUHAN, o kerina TinepaNa, pujilah GelarNa si Badia seh rasa lalap.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA