Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Kelong siara. O, Batara, angngu’rangiKi’ mae ri Daud, siagang sikontu pa’risi’na.
2 TeaKi’ kaluppai sombana mae ri Katte, o, Batara, ri tinja’na mae ri Kaminang Gassinga, Allata’alana Yakub.
3 Nakana, "Tena kulammari-mari ri ballakku yareka attinro ri tampa’ katinroangku,
4 (132:3)
5 punna tenapa kuppasadia balla’ untu’ Allata’alana Yakub, tampa’ pammantangang untu’ Batara Kaminang Gassinga."
6 Ri Betlehem nilangngereki passala’ Patti Parjanjianga, nampa nibuntulu’ ri parang Yaar.
7 Umba ki’lampa mange ri tampa’ pammantanganNa Batara, ansombai ri dallekang empoang kala’biranNa.
8 Battu maKi’ siagang ammantang maKi’ ri BallatTa, o, Batara, siagang Patti ParjanjianTa, tanra kakoasanTa.
9 Poro akkio’ rannu ummatTa, na sikontu imanTa tuli naturuki erotTa lalang tallasa’na.
10 Lanri Daud, atanTa, teaKi’ sorongbokoi karaeng nipileTa.
11 Le’ba’mi assumpa Batara mae ri Daud; tena nalaNakaluppai janjinNa. Nakana, "Sitau ana’nu laKupa’jari karaeng untu’ ammarenta ansambeangko.
12 Punna tamamminraya ana’-ana’nu mae ri parjanjiangKu, siagang mannuruki ri sikamma parentaKu, jari untu’ satunggu-tungguna turunganna ke’nanga lansambeangko a’jari karaeng."
13 Saba’ le’ba’mi Napile Batara Sion; Naerokangi untu’ a’jari tampa’ pammantanganNa.
14 Nakana, "Anrinnimi pammantangangKu sa’genna satunggu-tungguna, erokKa’ ammarenta ri anne tampaka.
15 Sikontu kaparalluanna laKusarei alla’bi-la’bi, tu kasi-asina laKusarei kanre sa’genna bassoro’.
16 Imang-imanna ampappicinikangi kasalamakkang battua ri Nakke; lakkelongi umma’na siagang akkio’ rannu.
17 Anrinni sitau turunganna Daud Kupa’jari karaeng; laKupakajarreki pamarentahanna.
18 Tuli lasalewangangi kakaraenganna, mingka musu-musunna lanipakasiriki."
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA