Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Mara asokkor ka PANGERAN sabab Salerana sae, kataresna’anna langgeng saterrossa.
2 Soro reng-oreng Isra’il ngoca’, "Kataresna’anna langgeng tadha’ obana."
3 Soro para imam adhabu, "Kataresna’anna langgeng tadha’ obana."
4 Soro sakabbinna oreng alem ngoca’, "Kataresna’anna langgeng tadha’ obana."
5 E dhalem karekongan sengko’ aserro ka PANGERAN, Salerana nyaodi sarta mabebas sengko’ reya.
6 Sengko’ ta’ tako’ sabab sengko’ esarengnge PANGERAN, ngadhebbi sengko’ manossa ta’ bisa apa-rapa.
7 PANGERAN asarengnge sengko’ kaangguy nolong sengko’, sengko’ ngabasa mon tang moso epakala.
8 Lebbi becce’ atameng PANGERAN, katembang ngandellagi manossa.
9 Lebbi becce’ atameng PANGERAN, katembang ngarep bantowanna oreng se apangkat.
10 Sengko’ ekaromo’ moso sabannya’na, kalaban kobasana PANGERAN bi’ sengko’ epakala.
11 Sengko’ ekeppong dhari kangan ban kacer, dhari adha’ ban dhari budhi; kalaban kobasana PANGERAN bi’ sengko’ epakala.
12 Tang moso ngaromo’ akantha nyarowan, kalaban kobasana PANGERAN bi’ sengko’ epakala. E dhalem saparngedep tang moso mate akantha apoy se rabbang e dhalem ombut.
13 Sengko’ eserrang ce’ sarana sampe’ para’ kala’a, tape sengko’ etolong bi’ PANGERAN.
14 PANGERAN reya tang kakowadan ban tang pojja’an, Salerana panyalamedda tang aba’.
15 Edhingngagi sorak kamennangan e mah-kemahna ommadda Pangeran, "PANGERAN alampa’agi lalakon se parjuga!
16 Kobasana PANGERAN marenge kamennangan ka sengko’ ban ba’na, PANGERAN alampa’agi lalakon se parjuga!"
17 Sengko’ ta’ kera mate, tape tanto odhi’ terros kaangguy aberta’agi karyana PANGERAN.
18 PANGERAN nyeksa sengko’ ce’ kerrassa, tape ta’ massra’agi sengko’ ka maot sampe’ sateya.
19 Mara sengko’ bukka’e labang sakethengnga Padalemman Socce, sengko’ maso’a, asokkora ka Salerana.
20 Areya’ labang sakethengnga PANGERAN, pera’ oreng jujur se olle lebat e dhinna’.
21 Abdidalem amolja’agi Junandalem, sabab Junandalem ngabbuli parnyo’onan abdidalem; Junandalem marenge abdidalem kamennangan.
22 Bato wang-buwanganna tokang bangonan, se eanggep ta’ ekenneng angguy, sateya daddi bato pelar e paddu.
23 Jareya se elampa’agi PANGERAN, makasambu’ onggu ka sengko’ ban ba’na.
24 Areya’ are se etantowagi PANGERAN; mara raya’agi bi’ ate se gumbira.
25 Nyo’ona salamet abdidalem sadaja, GUSTE, pamennangngagi, abdidalem sadaja, GUSTE.
26 Moga eberkadana se rabu bit asmana PANGERAN, sengko’ kabbi padha aberkadana ba’na dhari Padalemman Socce.
27 PANGERAN reya Allah, Salerana lamba’ ka sengko’ ban ba’na. Mara ajalan rak-aragan, sambi ngeba ca’-ranca’na kajuwan, alengleng e mezbana PANGERAN.
28 Junandalem Allah abdidalem, abdidalem asokkor ka Junandalem, Guste Allah, abdidalem amolja’agi Junandalem.
29 Mara asokkor ka PANGERAN sabab Salerana sae, kataresna’anna langgeng saterrossa.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA