Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Bursik ma halak na manguhur-uhurhon hajahaton ampa na manranggi-ranggi hamagouan bani podomanni anjaha na mandalankon ai siangkonsi ari, halani ibagas tangan ni sidea kuasa.
2 Impol uhur ni sidea bani juma, irampas ma ai; impol bani rumah, jadi ibuat sidea ma ai; bani jolma ampa parbagiananni.
3 Halani ai sonon do hata ni Jahowa, “Tonggor ma, Ahu pe domma Hupingkir-pingkir hamagouan dompak bangsa on; seng tumaram maluah borgoknima hunjai, anjaha seng be padirgak-dirgak ulu hanima mardalan, ai panorang hamagouan do ai.
4 Bani ari ai doding-dodingkonon ni halak ma pasal hanima, anjaha tangis-tangiskononni ma, nini, ʻDomma siap botul hanami; iparbagi do parbagianan ni bangsangku, ise pe lang na paulakkon ai bangku; ibagihon do jumanta bani halak sitaban hita.ʼ”
5 Halani ai seng dong halak na hampit ho, na pagistangkon tali sibar-sibar bani tanoh sirujihononkon, bani kuria ni Jahowa.
6 “Ulang marambilani! Nini sidea bani ambilanni. Seng ambilankonon na sonai. Seng anjai mangonai bennami hadorunon si sonin.
7 Bulih ma sonai hatahononkon, alo ginompar ni Jakob? Ai na dob hurang sabar do Jahowa? Ai sonon do pambahenan-Ni? Ai lang dear do hata-Ni bani halak na pintor marpangabak?”
8 Tapi domma girah hinan bangsang-Ku gabe imbang; irampas hanima do mantel ampa baju-baju ni halak pamolus na nalom maruhur, na so parporang.
9 Iusir hanima do puang-puang ni bangsang-Ku hun rumah ni sidea marsonang-sonang; humbani dakdanak ni sidea ibuat hanima do hasangapon-Ku ronsi sadokah ni dokahni.
10 Jongjong anjaha laho ma hanima! Ai seng ianan hasonangan on; halani habutakon maningon siap tumang ai.
11 Nai ma, anggo roh sada halak, na mangkatahon logou ampa ladung: “Ambilankononku ma bamu pasal anggur ampa minuman koras”! parambilan na sonai ma harosuh ni bangsa on.
12 “Sai na patumpuon-Ku do ganup hanima, ale Jakob, sai na patumpuon-Ku do sidea simasima ni Israel; bahenon-Ku do sidea sada, songon biribiri ibagas harang, songon sada hulanan i sampalan, sada hulanan ni jolma na buei.
13 Sitotas dalan mardalan i lobei ni sidea; bontason anjaha lopusan ni sidea ma horbangan, laho luar hunjai. Raja ni sidea mardalan i lobei ni sidea, anjaha Jahowa do parlobei ni sidea.”
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA