Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Semeton senamian, dengan-dengan saq tehususang bagi Allah lẽq Kolose, saq percaye lẽq dalem Deside Isa Almasih! Tiang, Paulus, saq teangkat jari rasul Deside Isa Almasih, -- siq pekayunan Allah --, bareng-bareng kance semetonte Timotius. Rahmat dait damẽ sejahtere lẽman Allah, araq bareng kance side pade.

² (1:1)

³ Tiang pade sampun dengah mengenai iman side pade lẽq dalem Deside Isa Almasih dait mengenai kasih side pade lẽq selapuq dengan-dengan saq tehususang bagi Allah. Keranaq nike sewaktu tiang pade do'eang side pade, tiang pade tetep ngucap syukur tipaq Allah, Bapa Junjungante Saq Mulie Deside Isa Almasih.

⁴ (1:3)

⁵ Keranaq pengharepan, saq tesedieang umaq side pade lẽq sorge. Mengenai pengharepan nike sampun juluan side pade dengah lẽq dalem manik kebenaran, nike Kabar Solah lẽman Allah.

⁶ Kabar Solah lẽman Allah nike nyebar lẽq seantẽro dunie dait terus-menerus datengang berkah, pade maraq saq sampun telaksane lẽq antare side pade mulai lẽman side pade dengah dait ngerti mengenai rahmat Allah saq setetune.

⁷ Hal nike tesampẽang tipaq side siq Epapras, batur saq tiang pade kasihin. Epapras nike pelayan Almasih saq setie begawẽan jari kepentingante.

⁸ Lẽman ie tiang pade dengah mengenai kasih side pade saq asalne lẽman Roh Allah.

⁹ Keranaq nike tiang pade tetep bedo'e adẽq side pade nerimaq selapuq hikmat dait pengertian saq kenaq, sehingge side pade nenaoq pekayunan Allah secare sempurne.

¹⁰ Siq care nike side pade bau idup menurut pekayunan Allah, dait tetep nyenengang Allah, sehingge lẽq dalem selapuq hal, side pade bau ngasilang hal-hal saq solah. Dait penenaoq side pade mengenai Allah ẽndah gen sayan beromboq.

¹¹ Semoge siq kuase lẽman Allah saq mulie, side pade teteguqang sehingge side pade sanggup menderite lẽq selapuq hal secare tekun dait sabar

¹² dait besyukur lẽq Bapa. Sẽngaq Bapa nike saq miaq side pade patut nerimaq napi saq tesedieang siq Allah umaq dengan-dengan saq tehususang bagi Allah lẽq dalem Kerajaan Terang.

¹³ Ie sampun bẽbasang ite lẽman penguase saq nguasein peteng dait ngalihang ite ojok dalem Kerajaan Bije-Ne saq Ie kasihin.

¹⁴ Siq Bije-Ne nike ite tetebus; artine dose-dosente sampun teampunin.

¹⁵ Almasih nike gambar Allah saq nẽnten penggitan, saq sengake, lebih utame lẽman selapuq saq tecipteang.

¹⁶ Sẽngaq langan Ie Allah cipteang selapuq hal saq araq lẽq sorge dait saq araq lẽq gumi, selapuq hal saq penggitan dait saq ndẽq penggitan, lantong selapuq roh saq bekuase dait saq mrẽntah. Selapuq hal tecipteang siq Almasih dait lantaran Almasih.

¹⁷ Sendẽqman selapuqne araq, Almasih sampun juluan araq. Dait lantaran Ie ẽndah make selapuqne araq lẽq taoqne mẽsaq-mẽsaq.

¹⁸ Jemaah nike ibarat ragene, dait Almasih jari sirahne. Ie saq sengake, saq teidupang selaẽq-laẽqne lẽq antare dengan ninggal, sehingge Ie jari saq paling utame lẽman selapuqne.

¹⁹ Allah mẽsaq saq kayun adẽq selapuq keilahian Allah saq sempurne, araq ẽndah secare lengkap lẽq dalem diriq Bije saq asalne lẽman Ie.

²⁰ Dait langan Bije nike ẽndah Allah mutusang jari miaq selapuqne jari solah malik kance Ie -- selapuq saq araq lẽq gumi dait saq araq lẽq sorge. Hal nike telaksaneang siq Allah langan Bije-Ne ninggal lẽq kayuq salib.

²¹ Laẽq idup side pade jaoq lẽman Allah dait ngemusuhin Allah lẽq dalem atẽ dait pikiran maraq saq nyate lẽman perbuatan side pade saq jahat.

²² Laguq mangkin, siq ninggal Bije-Ne, Allah jariang hubungan side pade kance Ie jari solah malik. Siq care nike side pade bau tejauq ojok arepan Allah dalem keadaan suci, murni dait ndẽq bedowẽ cacat cele.

²³ Laguq side pade harus tetep setie percaye dait teguq lẽq keyakinande nike. Ndaq jangke side pade ngelepas harepan saq sampun teicanin tipaq side pade sewaktu side pade nerimaq Kabar Solah lẽman Allah. Kabar nike sampun teberiteang tipaq sebilang dengan lẽq seantẽro dunie. Dait lantaran hal nike juaq tiang, Paulus sampun jari pelayan.

²⁴ Mangkin tiang seneng menderite jari kepentingande. Sẽngaq siq penderitean lahiriah tiang, tiang genepang napi saq harus tederite siq Almasih bagi jemaah-Ne, nike rage-Ne.

²⁵ Tiang temanikang siq Allah jari pelayan jemaah-Ne demi kepentingande, adẽq tiang nyampẽang Manik Allah selapuqne tipaq side;

²⁶ nike rahasie saq sampun berabad-abad ngonẽqne terahasieang siq Allah lẽq selapuq dengan, laguq mangkin tenyatayang siq Allah tipaq umat-Ne.

²⁷ Tipaq umat-Ne nike Allah kayun nyatayang berembẽ bagusne dait agungne rahasie nike umaq selapuq bangse. Rahasie nike: Almasih araq lẽq dalem diriqde. Nike artine bahwe side pade bedowẽ pengharepan jari mauq kemuliean.

²⁸ Almasih nike saq tiang pade beriteang tipaq selapuq dengan. Tiang pade bẽng nasẽhat dait ngajah ie pade selapuq siq kebijaksanean. Tujuan tiang pade adẽq sebilang dengan bau tejauq tipaq Allah jari dengan-dengan saq sampun dẽwase lẽq dalem Almasih.

²⁹ Adẽqne bau telaksane hal nike, tiang pacu-pacu begawẽan. Tiang berusahe siq selapuq kekuatan saq teicanin siq Allah lẽq tiang, dait saq bekarye lẽq dalem diriq tiang siq penoq kuase.

Kolose

Video Kolose 1

Ikuti Kami:

KONTAK | PARTISIPASI | DONASI