Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Manga murit'u Mawu Yesus e kakạděngụe mang kạpahuntinambane. Su tempo ene tau Yahudi mẹ̌bẹ̌berang Yunani, ghụgalumị u tau Yahudi tutune. Apang mạng'i Yunani e mẹ̌bẹ̌bera, "Manga wawineng kami apạeweng seng bal᷊u e tawe kapapahiakeng u tatongka wawělli wiahẹ̌ měllo-měllo pẹ̌pahiakeng su apan taumata e."

² Ual᷊ingu ene, manga rarolohang i sire mapul᷊o dua e měngkatewe napẹ̌komol᷊u patikụ muritẹ̌ e bọu e nẹ̌bera si sire u, "Apạ e ral᷊aị kereu i kami měngirul᷊e měhabaru hengetangu Mawu e, ual᷊ingu měngkai mětẹ̌tasibung hal᷊ẹ̌ u kakaěng.

³ Kụ mapiawe i kamene pěmpěmile wọu tal᷊oarang kamene pitung katau kụ arenge mawěngi wue ringangu kẹ̌kanoakengben Rohkẹ̌ u Ruata e ore lai pelesa, kụ kapěngumbalaěng i kami iruị makoạ mẹ̌sasěmpị hal᷊ẹ̌ tamai ini;

⁴ batụu i kami e kai mapulu kětạeng mangindunụ hal᷊ẹ̌ u pẹ̌kakal᷊iomaneng dingangu pělahabaru hengetangu Mawu samatang."

⁵ Patikụ taumata e nanarimạbeng naung mal᷊oahẹ̌ su těgung manga rarolohang e. Bọu e i sire němile si Stefanus, sěngkatau mạngimang matoghasẹ̌ su Mawu Yesus dingangu nikanoakeng u Rohkẹ̌ u Ruata e. Mal᷊aing nikapile: I Filipus, i Prokhorus, i Nikanor, i Timon, i Parmenas dingangu i Nikolaus bọu Antiokia; i sie wal᷊inewe tau Yahudi, kaiso seng simowa agamang Yahudi.

⁶ I sire pitung katau ene e pinakiwal᷊oěng su manga rarolohang mědeạu itarimạ, kụ bọu e manga rarolohang e němpẹ̌kal᷊iomaneng dingangu.

⁷ Kerene hengetang u Ruata e mangkeng kạkasawuhe, hakịu manga murit'u Mawu Yesus su Yerusalem mal᷊aing kạpahuntinambane kal᷊awọe. Dingangu mal᷊awọ lai manga imang kụ němpangimang su Mawu Yesus.

⁸ I Stefanus nasukụ u al᷊amat'u Ruata e, hakịu i sie makạkoạ tanda makạl᷊aherang natimu ringangu makạdal᷊inaụ tạ sihinge sutal᷊oarang kawanua.

⁹ Kutẹu kai piạ taumata rụdokạ si sie, kụ i sire e kai ral᷊ohong bal᷊eng pẹ̌kakal᷊iomanengang isẹ̌sěbạ Kanisang Taumatang Karal᷊iwirẹ̌. Dal᷊ohong bal᷊eng pẹ̌kakal᷊iomanengang ene e kai tau Yahudi wọu Kirene ringangkewe lai tau Yahudi wọu Kilikia ringangu Asia e mědẹ̌darendeh'i Stefanus.

¹⁰ Arawe i sire e tawe makakarendehẹ̌ apang iwẹ̌beran Stefanus, ual᷊ingu Rohkẹ̌ u Ruata e seng nẹ̌gěllịu kapelẹesa waugu mahumbisara.

¹¹ Ual᷊ingu ene tangu i sire němpamurungke pirang katau mědeạu apẹ̌bẹ̌bera, "I kami e nakaringihẹ̌ tau ene, mělẹ̌hinakang si Musa ringangu Mawu Ruata!"

¹² Kerene kakakoạ i sire měmpěnahowong taumata, ringangu manga těmbonangu tau Yahudi ringangu l᷊ai manga mananěntiro agama. Bọu ene tangu i sire tamaị e němpěnamẹ si Stefanus, kụ nẹ̌bawa si sie nẹ̌těngon manga Měnggaghuta Agama.

¹³ Kụ i sire napararisịen lai manga sahidi maul᷊ị u sasahidin sire tạ katěngade mạanun Stefanus. I sire sahidi e němpẹ̌berau, "Tau ini e měngkate masau měhinakang Bal᷊em Mawu susi e ringangu mělẹ̌hinakang manga hengetang u Mawu ilẹ̌habar'i Musa.

¹⁴ I kami e seng nakaringihẹ̌ i sie nẹ̌bera u, i Yesus bọu Nazaret e sarung měnggoghahẹ̌ Bal᷊em Mawu ini, mase mẹ̌mal᷊ui kěbị adatẹ̌ seng nipal᷊ohong Musa si kitẹ e!"

¹⁵ Kěbị taumata apang diměnta su pěnggaghaghutaěnge měmpẹ̌mẹ̌manda si Stefanus. Kụ su tempo ene gahị i Stefanus e kakěllaěng kere ghahịu malạekatẹ̌.

Kisah Para Rasul

Video Kisah Para Rasul 6

Ikuti Kami:

KONTAK | PARTISIPASI | DONASI