Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Itugu ara itugu ato niha solo'õ khõ Yesu. Me inõtõ da'õ alua wasõndrata dõdõ ba nifahaõ soi niha Yehuda samake li Yunani ba niha Yahudi, samake li Heberai'o. Lamane sangoguna'õ li Yunani, "Lõ lasõndra ira alawe khõma mbuala fanolo ba zoguna sero ma'õkhõ nibagibagi ba niha."
2 Andrõ la'owuloi fefu nifahaõ ira sinenge andrõ si felendrua ba lamane khõra, "Lõ sõkhi na mibato wanuriaigõ Taroma Li Lowalangi, ba wangohalõw̃õgõi sanandrõsa ba gõ.
3 Bõrõ da'õ, mifili ba gotaluami dafitu zi sõkhi turia ba nifatõrõ Geheha Lowalangi ba satuatua, si tola mangohalõw̃õgõi da'õ;
4 bõrõ me omasiga mangandrõ ba manuriaigõ Taroma Li Lowalangi manõ."
5 Fao dõdõ zato fefu ba niw̃a'õ ndra sinenge andrõ. Lafili Zitefano, si faduhu sibai tõdõ khõ Yesu ba nifatõrõ Geheha Lowalangi. Lafili nasa: Filifo, Ferokhoro, Nikanoro, Timono, Faremenasa, Nikola'iti moroi ba Gandriokhia; hew̃a'ae tenga niha Yahudi ia ba hiza no tobali solo'õ agama niha Yahudi ia.
6 La'ohe khõ ndra sinenge zi dafitu andrõ. Mangandrõ ndra sinenge khõra ba la'andrõ howuhowu soroi Zo'aya soguna khõra.
7 Si manõ wa itugu teboloso duria Lowalangi ba itugu ato zolo'õ khõ Yesu ba Yeruzalema. Ba ato gõi ndra ere si faduhu tõdõ khõ Yesu.
8 Ifahowu'õ Zitefano Lowalangi, irege oya ifazõkhi zagahõlihõli dõdõ ba si lõ ya'iya'ia ba gotalua niha sato.
9 Ba hiza so gõi niha si fatiu tõdõ khõnia; ya'ia ndrotondroto gosali, ya'ia nifotõi Gosali Niha si no Mu'efa'õ. Ndrotondroto gosali andrõ ya'ia ndra niha Yahudi moroi ba mbanua Girene ba Alesandria. Fahuhuo ira awõ ndra niha Yahudi moroi ba Gilikia ba Asia khõ Zitefano.
10 Ba tebai labu'a wehede Zitefano bõrõ me no Ibe'e khõnia wa'atuatua Eheha Lowalangi ba wahuhuosa.
11 Bõrõ da'õ lasõlõ niha wanguma'õ, "No marongo i'o'aya Moze ba Lowalangi niha andre!"
12 Si manõ ira wamawe'e niha sato, ira salaw̃a niha Yahudi, awõ ndra guru agama. Ba mõi ira wondra'u Sitefano, la'ohe ia fõna ndra Sanguhuku ba Agama.
13 Lahalõ gõi sasisasi samaduhu'õ faya sanandrõsa khõ Zitefano. Lamane ira sasi andrõ, "Mango'aya niha da'e ba Nomo Zo'aya ni'amoni'õ awõ wa'i'o'aya goroisa Lowalangi nifa'ema Moze.
14 No marongo imane, Idudugõ Nomo Lowalangi andre Yesu andrõ banua Nazareta, ba Iwu'ai fefu hada nibe'e Moze khõda!"
15 Lafaigi Zitefano fefu niha si so ba rafe Zanguhuku Agama andrõ. Ba ba ginõtõ da'õ hulõ mbawa mala'ika Zitefano wamaigira.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA