Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ 'Esa moi riaka dodoto, nginioka naga 'uwa kaniokudai niomau niodadi guru! Sababu ngone panakokau, podadi guru ge'ena dua ma Jo'oungu ma Dutu wona'urusangi 'ifoloi 'itubuso de 'o nyawa 'iregu.

² Ngone poodumu 'o gudai pasalakau. Ma nago'ona koma'iwa yasala manga demo-demoka, 'ona ge'ena yomadotomokau, sababu ya'akunu yapareta to 'ona manga singina.

³ 'O sapi ma ngununu ma bu-busuku posinoa ge'ena ma dumutu la 'ena 'imoteke to ngone nanga mau. Ma ngekomo ge'ena ngone 'idadi papareta.

⁴ De kaniamake 'o kapali ngaro ma amoko de 'o dadoko 'isi-siapoto ya'asa, ma 'idadi 'o kamudi ma dingoono moi ya'aturu moteke ma kapali wo'asa-'asa 'awi mau.

⁵ Koge'enali mita nanga 'uru, 'ena ngaro ka ma dingoono ma 'idadi 'inasi'edenge de 'o hali 'ila-laagomo. Kaniatibangi! 'O 'uku ka ma etaka ma 'o bongana ma amoika ma yabootuku ya'uku.

⁶ 'O 'uru ge'ena 'isoka 'o 'uku. 'Ena 'inasitorou, sababu 'ena ge'ena 'o dorou 'isiwae-waere, 'ena yakokituuku to ngone nanga 'ahu de 'o 'uku gee 'o narakano.

⁷ 'O sagala haewani gee kopaso-sowohiwa 'isoka 'o namoro 'o ngawa-ngawano, 'o haewani 'imatoba-tobaka, de 'o naoko, kaidadi padana de 'o nyawa yadanakau.

⁸ Ma 'o nyawa ma 'uru ka moi ma koya'akunuwa yadana. 'Ena ge'ena 'itingkai de koya'akunuwa yapareta, 'ena ka 'o racongou gee 'inasonge-songene.

⁹ De nanga 'uru ngone po'amalaha ma Joude to ngone nanga Deade, mita de nanga 'uru ngone posibobeto 'o nyawaka gee ma Jo'oungu ma Dutu wosidadi-dadiku moteke to 'una 'awi dulada.

¹⁰ Ma 'uru kage'enano 'isupu 'o 'amalaha de 'o sibobeto, 'ena momongo koyadaenuwa koge'ena, 'Esa moi.

¹¹ Koi'iwa 'o 'akere ma gububulu ka moi de 'isupuno 'imali-mali sonaa.

¹² 'Ai riaka dodoto, 'o 'ara ma gota koma'iwa 'isowokino 'o zaitun ma sowoko, de 'o 'anggur koma'iwa 'isowokino 'o 'ara ma sowoko. Mita 'o 'akere ma titioka 'iosa-osa, koma'iwa 'i'uisoko 'iso-somoa.

¹³ Nako nginioka naga de ma 'ena yoba-barija, salingou yosidumutu de manga 'ahu 'isure-sure, de yadiai 'okia sonaa 'isure-sure, 'isimoteke de 'o singina 'ima-ma'ai de 'o cawaro.

¹⁴ Ma nako ngini nimakataleana, nia singina nimakadisiri de niosi'akunu ka to ngini ma sirete nia roese, ge'ena 'uwa niosimole-mole nia barija ge'ena. Sababu ge'ena kanioeluku de nialawani 'o do-dotoko 'iti-tiai ma Jo'oungu ma Dutuno.

¹⁵ 'O barija koge'ena, ge'ena ko 'o sorogaakuwa so ka 'o duniano, 'o nyawa ma nyafisuuno, de 'o sagala tokatino.

¹⁶ Sababu kiaka naga 'o daleana de yomadengo-dengoka, ge'enaka mita 'o karuahe de 'o dorou 'i'ini-'inioka 'idadi.

¹⁷ Ma 'o nyawa gee manga barija dakuuku, 'ona ge'ena ma di-disiraka manga singina 'itebini, deika yoduaka yomakatiai, manga singina 'ima'ai, de yosingou-ngounu. 'Ona yaki'omanga de 'o dora so manga manarama 'isure-sure. 'Ona koya'ena-'enawa de koyoma'uca-'ucawa.

¹⁸ Ma goungu, 'okia sonaa yaowa-owa ge'ena 'o go-gasa ma owa ma sowoko, gee 'o nyawa yodua-duaka 'o go-gasa ma owa yotuduuku.

Yakobus

Video Yakobus 3

Ikuti Kami:

KONTAK | PARTISIPASI | DONASI