Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Ya'ami ira talifusõ! Bõi ato ba gotaluami zomasi tobali samahaõ. No aboto ba dõdõda wa ya'ita samahaõ abõlõ abe'e huku ni fatõrõ khõda moroi ba niha bõ'õ.
2 Fefu ita asese tafalua zi lõ atulõ. Niha si lõ irai mamazõkhi si lõ atulõ ba wehedenia, no niha so'ahonoa ia, si tola mamatõrõ fa'aurinia.
3 Na tabõbõ mbawa kudo, ena'õ i'o'õ zomasi ita, ba tola tafatõrõ kudo andrõ ma'asageu.
4 Tahalõ dumaduma gõfa. Hew̃a'ae ebua sibai gõfa ba i'oloi'õ ia angi sabe'e, ba hiza ifatõrõ ia amuri fondrege zide'ide, molo'õ somasi zolohe ya'ia.
5 Si manõ gõi lelada; hew̃a'ae no ide'ide ia, ba tola sa ifayaw̃a'õ ia ba ngawalõ zegebua. Gõlõigõ tõdõu, ha wa'ebolo gatua, ba tola akhozi ia bõrõ galitõ fondrege zide'ide.
6 Amaedola galitõ lela andrõ. Tobali famobõrõ zi lõ sõkhi ia ba mbotoda, ba wamazaewe si lõ atulõ ba wa'aurida ma'asambua. Faoma ira galitõ narako, ikhozi wa'aurida ma'asambua.
7 Fefu gurifõ safaito, fofo, urifõ sanana ba danõ, i'a, tola mufauwu, ba no gõi lafauwu niha.
8 Ba hiza, lõ niha si tola mamauwu lela andrõ. Si lõ sõkhi lela andrõ, ba tebai mufatõrõ; afõnu langu famunu.
9 Ta'oguna'õ ia ba wangandrõ saohagõlõ khõ Zo'aya, Amada, ba tola gõi ba wangelifi niha, si no mufazõkhi molo'õ famaedo Lowalangi,
10 moroi ba mbawa tola alua wehede fangandrõ saohagõlõ ba fangelifi. Bõi si manõ, ya'ami ira talifusõ.
11 Hadia so gumbu nidanõ si faoma tola molua'õ idanõ si tola nibadu ba idanõ safeto gõi?
12 Ya'ami ira talifusõgu, lõ i'owua'õ mbua zaitu tõla ara, ba lõ i'owua'õ mbua ara tõla nagu. Lõ tola mangumbu nidanõ sasi'asi awõ nidanõ nibadu ba zi ha sambua idanõ gumbu.
13 Na so ba gotaluami zatuatua ba so tõdõ, ya mu'oroma'õ da'õ ba wa'auri si sõkhi, ba ba wamalua ngawalõ mbuabua si sõkhi, si fao fangide'ide'õ ba fa'atuatua.
14 Na so ba dõdõmi wa'olohu, ba fa'afõkhõ dõdõ ba fakhõgusa, ba bõi mi'omusoi'õ dõdõmi ba wa'atuatua da'õ, bõrõ me moroi ba da'õ tola mifuyu'õ duria satulõ andrõ khõ Lowalangi.
15 Fa'atuatua si manõ tenga moroi ba zorugo. No moroi ba gulidanõ, moroi ba wangisõ, ba moroi ba mbekhu.
16 Ba zi so fa'olohu, fakhõgusa, ba da'õ gõi tesõndra wa'afawuka, ba fefu ngawalõ wolau si lõ sõkhi.
17 Ba hiza, niha si so fa'atuatua soroi yaw̃a, ba si ofõna sibai no sadõlõ tõdõ ia, ba fanete da'õ omasi ia atulõ khõ naw̃õnia, fahuwu ba solo'õlo'õ li. Fahõna khõnia wa'ahakhõ dõdõ ba i'owua'õ mbuabua si sõkhi. Lõ ebua dõdõ zambuana ba lõ mamini tõdõ.
18 Atulõ wa si sõkhi andrõ ba no bua moroi ba danõmõ wa'atulõ nitaru niha somasi fa'atulõ.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA