Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Dhabuna PANGERAN ka Mosa, "Kabala kantha reya ka reng-oreng Isra’il: Mon badha oreng se eatorragi ka PANGERAN kaangguy ngessa’agi neyat se kusus, oreng jareya ekenneng tebbus bi’ pesse se bannya’na akantha se kasebbut e baba reya,
2 (27:1)
3 iya areya menorot arga e Kemah Socce: — e attassa sabidak taon: lalake’ ~~: 15 pesse salaka; babine’ ~~: 10 pesse salaka; — antara dhu polo sampe’ sabidak taon: lalake’ ~~: 50 pesse salaka; babine’ ~~: 30 pesse salaka; — antara lema sampe’ dhu polo taon: lalake’ ~~: 20 pesse salaka; babine’ ~~: 10 pesse salaka; — e babana lema taon: lalake’ ~~: lema pesse salaka; babine’ ~~: tello pesse salaka;
4 (27:3)
5 (27:3)
6 (27:3)
7 (27:3)
8 Mon oreng se aneyat jareya talebat meskenna sampe’ ta’ kellar majar arga se eteptebbagi, oreng jareya kodu ngeba oreng se la eatorragi ka PANGERAN gella’ ka imam. Imam kodu neptebbagi arta se amandhaban menorot kakowadanna oreng jareya.
9 Mon neyat jareya parkara keban se halal se ekenneng tarema menangka tor-ator ka PANGERAN, oreng se andhi’ neyat jareya ta’ olle morobi keban se ekaneyat jareya bi’ keban laenna, sabab pa-apa se eatorragi ka PANGERAN daddi kaagunganna PANGERAN. Mon bi’ oreng jareya keban buru eporobi keya, keban se dhadhuwa’ jareya daddi kaagunganna PANGERAN kabbi.
10 (27:9)
11 Tape mon neyat jareya parkara keban se haram se ta’ ekenneng tarema menangka tor-ator ka PANGERAN, oreng se aneyat kodu ngeba keban jareya ka imam.
12 Imam jareya se bakal nantowagiya argana menorot kabadha’anna keban jareya. Ban arga se la etantowagi jareya arga mate.
13 Mon keban jareya terro etebbusa, oreng jareya kodu majar sabannya’na argana etambai dhu polo persenna.
14 Mon oreng ngatorragi bengkona ka PANGERAN, imam kodu nantowagi argana menorot kabadha’anna bengko jareya. Arga se etantowagi jareya arga mate.
15 Mon bengko jareya terro etebbusa, oreng jareya kodu majar sabannya’na argana etambai dhu polo persenna.
16 Mon oreng ngatorragi sabagiyan dhari teggalla ka PANGERAN argana kodu etantowagi menorot bannya’na bibit se ekaparlo mon teggal jareya etamennana. Etonganna argana gandum sabban dhu polo kilona sapolo pesse salaka.
17 Mon tana jareya eatorragi ka PANGERAN molae dhari Taon Pabaliyan, argana kodu ebajar sagenna’na.
18 Mon tana jareya eatorragi ka PANGERAN samarena Taon Pabaliyan, imam kodu nakser arga kontanna menorot bannya’na karena taon sampe’ ka Taon Baktona Li-mabali se bakal dhateng, pas nantowagi arga se amodha’an.
19 Mon teggal se eatorragi jareya terro etebbusa, oreng jareya kodu majar sabannya’na argana etambai dhu polo persenna.
20 Mon teggal jareya bi’ orengnga ejuwal sabellunna etebbus dhari PANGERAN, oreng jareya ta’ andhi’ ha’ pole kaangguy nebbus teggalla.
21 E dhalem Taon Pabaliyan se bakal dhatengnga, teggal jareya daddi kaagunganna PANGERAN salanjangnga, sarta pas epadaddi andhi’na para imam.
22 Mon oreng ngatorragi ka PANGERAN teggal ollena melle,
23 imam kodu nakser argana menorot bannya’na karena taon sampe’ Taon Pabaliyan se bakal dhatengnga. Saellana jareya oreng jareya kodu majar argana e are jareya keya. Pesse jareya daddi kaagunganna PANGERAN.
24 E dhalem Taon Pabaliyan, teggal jareya kodu epabali ka se andhi’ dha’-adha’ otaba ka toronanna.
25 Sakabbinna arga kodu etantowagi menorot arga e Kemah Socce.
26 Budhu’ sareyangnga ebin, iya areya budhu’na sape, budhu’na dumba otabana budhu’na embi’, jareya kaagunganna PANGERAN, daddi ta’ olle kagabay kurban sokalella.
27 Tape budhu’ sareyangnga keban se haram olle etebbus menorot arga e Kemah Socce, etambai dhu polo persenna. Mon ta’ etebbus, keban jareya olle ejuwal ka oreng laen menorot arga e Kemah Socce.
28 Sabarang se la eatorragi ka PANGERAN ta’ kalaban ngangguy syarat, se aropa manossa, keban otaba tana, ta’ olle ejuwal otaba etebbus. Jareya daddi kaagunganna PANGERAN salanjangnga.
29 La’-mala’ manossa se la eatorragi ka PANGERAN ta’ kalaban ngangguy syarat ta’ olle etebbus; oreng jareya kodu epate’e.
30 Saparpolonna dhari sakabbinna hasella tana, se aropa gandum otaba wa’-buwa’an, kaagunganna PANGERAN.
31 Mon sabagiyan dhari hasel jareya etebbusa, oreng jareya kodu majar argana se la etantowagi, etambai dhu polo persenna.
32 Dhari ebin, sabban sapolo, se settong kaagunganna PANGERAN. Mon ebin jareya ebitong, saneyap ebin se nomer sapolo daddi kaagunganna PANGERAN.
33 Se andhi’ ebin jareya ta’ olle mele kemma se bagus kemma se juba’. Bariya keya ebin jareya ta’ olle eporobi. Mon bi’ se andhi’ jareya eporobi, ebin se dhadhuwa’ jareya kabbi daddi kaagunganna PANGERAN ban ta’ olle etebbus."
34 Jareya kabbi papakonna PANGERAN se edhabuwagi ka Mosa e Gunong Sinay, se epakon panapa’ ka bangsa Isra’il.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA