Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Nina TUHAN, "Embuslah terompet! Musuh nggo reh desken rajawali muatna nangkis. BangsangKu nggo ngelanggar perpadanen si Kubahan ras ia, dingen nggo ilawanna pengajarenKu.
2 Aminna gia ikatakenna Aku Dibatana, dingen iakukenna maka ia bangsangKu, ras itandaina Aku,
3 tapi situhuna itulakna kai si mehuli. Erkiteken si e iayak-ayak musuhna me ia.
4 Ipilihna rajana, tapi la Aku isungkunna. Iangkatna peminpin-peminpinna la arah senang ateKu. Ibuatna pirakna ras emasna, ijadikenna gana-gana, emaka kernep me ia.
5 Ciga ateKu lembu emas si isembah penduduk kota Samaria. Nembeh kal ateKu man bana kerina. Asa kai nari dekahna maka ia ngadi nembah man berhala-berhala?
6 Sekalak tukang Israel kap si mahan gana-gana e, janah si e la kap dibata. Gana-gana lembu emas si i Samaria, uga pe iripukken.
7 Erkiteken ierdangkenna angin, emaka iperanina me angin kalinsungsung! Juma page si la lit ruhina, labo banci dat cimpa arah e. Tapi bicara lit pe, bangsa si deban nge ngkerikenca.
8 Israel nggo bali kap ras bangsa si deban, janah lanai erguna desken pecah-pecah kudin taneh.
9 Bangsa Israel bali kengna ras kelede si meliar, si ndalani dalanna jine. Lawes ia mindo penampat man Assur, janah iupahina bangsa-bangsa si deban jadi sekawalna.
10 Tapi genduari Kupepulung me ia lako ngukumsa. Emaka minter me itindih baban si mberat i bas raja Assur nari.
11 Reh buena batar-batar si ipajekken Israel lako nangtangi dosana, reh buena kap inganna ngelakoken dosa!
12 Aminna Kusuratken pe man bana pengajaren si lanai lang-lang buena, itulakna kerina desken barang si la itandaina.
13 Ipersembahkenna persembahen gelehen man bangKu, jenari ipanna daging persembahen e. Tapi Aku, TUHAN, la erngena ate man bana; janah genduari Kuinget me dosana e, emaka Kuukum me ia erkite-kiteken si e. Kuulihken me ia ku Mesir.
14 Kalak Israel nggo majekken istana-istana, tapi nggo ilupakenna Si Nepa ia. Kalak Juda nggo majekken kota-kota si erbenteng. Tapi Kupesusur me api lako engkeriken istana-istana ras kota-kotana e."
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA