Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Ibereken TUHAN man Musa

² pedah si tersurat arah teruh enda guna bangsa Israel nina, "Adi bengket kam ku taneh Kanaan, taneh si Kubereken man bandu, baleng-baleng daerahndu, eme kap bagi si arah teruh enda.

³ Balengna si arah Selatan mulai i taneh mesawang Sin nari terus ku perbalengen Edom. Arah Timur mulai i ujung Lawit Mate.

⁴ Kenca bage mbelok ku Selatan nuju ku dalan Akrabim janah terus arah tengah-tengah taneh si mesawang Sin seh ku Kades Barnea i Selatan. Kenca bage mbelok ku Barat Lawit ku Hasar Adar janah terus ku Asmon,

⁵ janah i jenari mbelok ku berneh si lit i bas perbalengen Mesir, janah ujungna i Lawit Tengah.

⁶ Balengna si arah Barat eme kap Lawit Tengah.

⁷ Balengna si arah Utara eme kap pinter i Lawit Tengah nari ku Deleng Hor,

⁸ janah i jenari ku dalan Hamat. I jenari terus ku Sedat,

⁹ ras ku Siperon janah ujungna i Hasar Enan.

¹⁰ Balengna si arah Timur eme kap pinter i Hasar Enan nari ku Sepam.

¹¹ Kenca bage terus ku Selatan seh ku Harbel, arah Timur Ain, jenari terus ka ku uruk-uruk si lit i bas tepi Danau Galilea arah Timur.

¹² Kenca bage ku Selatan ngikuti Lau Jordan terus ku Lawit Mati. Enda me empatna baleng-baleng tanehndu e."

¹³ Emaka nina Musa man bangsa Israel, "Enda me taneh si ialokenndu pagi alu erbahan tikam tanduk, taneh si nggo itetapken man siwah setengah suku-sukundu.

¹⁴ Suku-suku Ruben ras Gat bage pe setengah i bas suku Manase nggo ngaloken tanehna, si ibagi-bagi rikutken keluargana,

¹⁵ arah Timur Jordan, petingtang ras Jeriho."

¹⁶ Nina TUHAN man Musa,

¹⁷ "Si magiken taneh e man bangsa Israel eme kap Imam Eleasar ras Josua anak Nun.

¹⁸ Tambah si e buat sekalak peminpin i bas tep-tep suku nari nampati ia magikenca."

¹⁹ Enda me gelar-gelar kalak si ipilih TUHAN: [Suku: - Peminpinna:] Juda - Kalep anak Jepune; Simeon - Selumiel anak Ammihut; Benyamin - Elidat anak Cislon; Dan - Bukki anak Jogeli; Manase - Hanniel anak Epot; Eperaim - Kemuel anak Siptan; Sebulon - Elisapan anak Parnah; Isakar - Paltiel anak Assan; Aser - Ahihut anak Selomi; Naptali - Pedahel anak Ammihut;

²⁰ (Bil 34:19)

²¹ (Bil 34:19)

²² (Bil 34:19)

²³ (Bil 34:19)

²⁴ (Bil 34:19)

²⁵ (Bil 34:19)

²⁶ (Bil 34:19)

²⁷ (Bil 34:19)

²⁸ (Bil 34:19)

²⁹ Enda me kerina kalak si itugasken TUHAN magiken taneh e man bangsa Israel i taneh Kanaan.