Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Ibotoh ho do sadihari maranak bedar? Ongga do ipardiatei ho sanggah laho marmurik ursa boru-boru?
2 Ibotoh ho do bilangan ni bulanni rambong, anjaha ibotoh ho do panorangni manunas?
3 Iundukkon bani, jadi tubuh ma anakni, dob ai salpu ma pangarouonni ai.
4 Lambin gogohni ma anakni anjaha marbanggal ibagas naporon; dob ai laho ma sidea, seng simulak-mulak bani indungni.
5 Ise do na pajalang halode liar? Ise do na mangkarhari tali ni halode na lingkat?
6 Bani do Hubere tanoh pamah bahen rumahni, anjaha tanoh garam bahen iananni.
7 Ipartawai do harameion ni kota, seng itangihon sorgang ni sais.
8 Mawat-awat do ia i dolog mangindahi sampalanni, anjaha ipindahi do poyon-poyon simaratah.
9 Ai ra do badak ai gabe parhorjamu! Mintor ra ma ia marborngin i lambung ni palangkamu?
10 Mintor mangasup ma ho manambat badak laho maninggala, barang tumaram ma balosanni ho manisir i habungan?
11 Boi ma marnalom ni uhur ho bani halani na margogoh tumang ai ia, barang tarondoskon ho ma bani horjamu?
12 Tenger do uhurmu bani laho manarui gandummu, barang patumpuhon ai bani pardogeianmu?
13 Jenges do pamerper ni habong ni burung unta; tapi siparholong atei do ia?
14 Itolurhon tolurni hu tanoh, anjaha ipaturut do tanoh ai mamosahi ai;
15 lupa do ia, na boi ai posah bahenon ni nahei, anjaha na boi lotlotan ni binatang.
16 Lang maruhur holong ia bani anakni, hira seng ia simadasi; seng iuhurhon atap sisoya-soya holi halojaanni ai,
17 halani seng ibere Naibata bani hapentaran, anjaha marrupei ia bani panimbangon.
18 Sanggah iperperhon habongni laho lintun, ipartawai do huda ampa na mangajaksi.
19 Ai ho do sibere gogoh bani huda? Ho do na mannahkon jumbakni hubani borgokni?
20 Ho do mambahen lumpat-lumpat ia songon balang? Jangin do parihei-iheionni.
21 Kais-kais do ia i tanoh habungan anjaha malas uhurni, ibagas hagogohon luar do ia manjumpahkon sinjata.
22 Ipartawai do habiaran, seng haru uhurni, seng manlembang ia mulak mangidah podang.
23 Mardapar-dapar pe sarung ni sior i babouni, marhilap lombing pakon tanja;
24 marah anjaha maranjak do ia, ikaisi tanoh, seng tartagangi, dob marhata tarompet.
25 Marhatahonsi tarompet marihei-ihei ma ia, humbani na daoh ope domma taranggohsi uap ni parporangan, sonai homa sora gogoh ni puanglima ampa surak-surak.
26 Halani hapentaranmu do ase habang hu atas haluhuy, anjaha iherbangkon habongni dompak dangsina?
27 Halani parsuruhmu do ase habang manuk-manuk nanggordaha dompak datas, anjaha ibahen asarni bani ianan na gijang?
28 I atas dolog batu do iananni pakon asarni, i ujung ni dolog batu ampa i pakpak ni dolog.
29 Hunjai do itungkir-tungkir sorohanni, daoh do panatap ni matani.
30 Daroh do isopsop anakni, anjaha ija halak na tartampul ijai do ia.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA