Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Dob ai itoruskon si Elihu ma mangkatahon,
2 “Sabar ham tongkin, ase huajari ham, ai adong ope sihatahononku halani Naibata.
3 Humbani na daoh ma aloponku pambotohku, laho patidakkon habonaron ni Sitompa ahu.
4 Tongon, seng mangguak-guaki hatangkon, halak na gok marpambotoh do hasomanmu na marsahap on.
5 Tonggor ma, na banggal do Naibata, anjaha seng dong maruhur apas Ia age bani ise, na timbul tumang do Ia marhitei gogoh ni hapentaran-Ni.
6 Seng paturuton-Ni manggoluh halak parjahat, tapi pasintongonni do uhum bani halak na masombuh.
7 Seng padaohonni panonggor-Ni humbani halak na bonar, tapi ipahundul do sidea hu paratas rap pakon raja ronsi sadokah ni dokahni, gabe timbul ma sidea.
8 Porini tarsangkut sidea bani rantei, anjaha jorot ibagas tali sitaronon,
9 jadi pabotohkonon-Ni ma bani sidea pambahenan ni sidea ampa hasalahanni, ai ma na marparlahou hajungkaton sidea.
10 Ibuha do pinggol ni sidea bani pangajarion, anjaha iparentahkon, ase mubah uhur ni sidea humbani hajahaton.
11 Anggo ra sidea manangihon anjaha mambalosi, jadi mardohar ma sidea ronsi ujung ni goluhni, anjaha tahun-tahun ni sidea marhasonangan.
12 Tapi anggo seng ra sidea manangihon, magou ma sidea hona tembak, matei ma sidea seng sampang dapotan uhur.
13 Manggila ma ijai halak sipakulah-kulah; seng ra sidea mangindo pangurupion sanggah isangkut sidea.
14 Matei bani haposoonni do sidea, anjaha gok habutakon do goluh ni sidea.
15 Tapi ipaluah do halak na masombuh marhitei hasombuhonni, anjaha ibuha do pinggol ni sidea marhitei hasosakan.
16 Ham pe sihol paluahon-Ni do humbani hasosakan, hu tanoh na lumbang, na so adong sipangkirjati bamu, anjaha pasirsiron-Ni do mejamu gok sipanganon na mantin.
17 Talup do hape mangonai bamu uhum songon bani halak parjahat; uhum pakon habonaron do na manjoroti ham in.
18 Jaga ase ulang itarik pangajaran in ham hu panrisaion, anjaha ulang kahou uhurmu binahen ni banggal ni panobusion.
19 Boi ma doruh-doruhmu in paluahkon ham humbani hasosakan, barang golgolmu mangunsagahkon gogohmu?
20 Halani ai ulang ma ihasiholhon ham borngin, na mambahen mapurpur bangsa humbani iananni.
21 Jaga ham, ulang ma manlembang ham dompak hajahaton, ai halani ai do ase iuji ham marhitei sitaronon.
22 Tonggor ma, timbul do Naibata ibagas hagogohon-Ni; ise ma pangajari usih hu Bani?
23 Ise ma na mangaturhon dalan Bani? barang ise ma na boi mangkatahon, ʻHagedukon do na binahe-Mu in?ʼ
24 Ingat ham ma patimbul pambahenan-Ni, na pinuji-puji ni jolma manisia.
25 Ganup do jolma mangidah ai, humbani na daoh ididah jolma na galek in ai.
26 Tonggor ma, na timbul do Naibata, seng tardadap hita Ia; seng tartulimati bilangan ni tahun-Ni.
27 Ia do manarik tektek ni bah dompak datas. Ia do na mambahen udan marhitei hombun-Ni,
28 ai ma use na niuseihon ni hombun ai, anjaha mardabuhan bani halak simbuei.
29 Adong ma halak na boi mangarusi parmerap ni hombun, ampa parlonggur ni lampolampo-Ni?
30 Tonggor ma, ierap do hilap-Ni inggot bani, anjaha irungkub do dasor ni laut.
31 Marhitei ai do Ia manguhumi bangsa-bangsa, marlobih-lobih do sipanganon ibere.
32 Igoki do tangan-Ni bani hilap, anjaha ipasorohkon do ai bani imbang-Ni.
33 Sora ni longgur-Ni patugahkon parroh-Ni, parringis do Ia dompak halak parjahat.”
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA