Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 “Tangar nasiam ma hata on, nasiam lombu na hun Basan, na i Dolog Samaria, na mandondon halak na musil, na mandogei-dogei halak na maetek, na mangkatahon hubani paramangonni, Boan, ase minum-minum hanami!ʼ
2 Domma marbulawan Tuhan Jahowa bani hapansingon-Ni. Tongon, tonggor ma, na roh ma ari bannima, saradon ni sidea ma hanima marhitei hait-kait anjaha simasimanima marhitei hail.
3 Jadi luar ma hanima hun bungbung ni tembok, ganup marsidompakkon dalanni bei i lobeini, anjaha saradon ma hanima hu Dolog Hermon,” nini Jahowa.
4 “Roh ma hanima hu Betel anjaha manjahati ma; hu Gilgal anjaha tambahi ma panlanggaron. Boan ma galangan sisayatonnima ganup sogod, ampa parsapuluhannima ganup patolu-ariankon.
5 Tutung hanima ma galangan hatarimakasihon humbani ruti niigaran, anjaha tingtingkon hanima ma galangan niojur ni uhur, baritahon hanima ma ai. Ai lang sonai do rosuhnima sibahenonnima, alo halak Israel?” nini Tuhan Jahowa.
6 “Age pe domma Hubahen seng dong sihilhilon ni ipon ibagas ganup hutanima ampa hahurangan bani ruti bani ganup ianannima, tapi lanjar seng ra hanima mulak hu Bangku,” nini Tuhan Jahowa.
7 “Sonai homa Hupalogou do udan hun bannima tolu bulan nari paima pariama. Hutongos do udan bani huta na sada, bani na sada nari lang, marudan do juma na sada, anjaha juma na sada nari na so dapotan udan, horah ma.
8 Jadi madou-adou ma dua barang tolu huta laho hu huta na legan laho minum bah, tapi seng sombuh horahni. Tapi, lanjar do seng ra hanima mulak hu Bangku,” nini Tuhan Jahowa.
9 “Domma Hulibas hanima marhitei antinganou ampa hameluson, Huparseda pohonnima ampa pohon anggurnima, anjaha hayu jambunima ampa hayu jetunnima bois igagati balang; tapi lanjar do hanima seng ra mulak hu Bangku,” nini Jahowa.
10 “Domma Huparoh sampar hu tongah-tongahnima songon na dompak Masir, Huraseihon garamanima marhitei podang, Huluahon ganup hudanima, anjaha Hupaanggohkon bau ni parsaranannima hubagas igungnima, tapi lanjar do seng mulak hanima hu Bangku,” nini Jahowa.
11 “Hupamasa do hasedaon i tongah-tongahnima, songon na dob pinarseda ni Naibata Sodom pakon Gomora, gabe songon sipu-sipu na tinarik hanima humbani apuy, tapi lanjar do seng ra hanima mulak hu Bangku,” nini Jahowa.
12 “Halani ai sonon do na sihol bahenon-Ku bannima, alo Israel! Halani sonon ma na sihol bahenon-Ku bam, marugas ma ho manjumpahkon Naibatamu, alo Israel!
13 Ai tonggor ma, Ia na manjadihon dolog, na manompa logou, na pabotohkon bani jolma aha pingkiran-Ni, na manjadihon sibalikkuning gabe hagolapan, anjaha na mardalan i atas ni buntu-buntu ni tanoh on, Jahowa, Naibata Zebaot do goran-Ni.”
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA