Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Ko'onggot-ko'onggot dumodudui i Yesus kobayong-kobayong domandon. Ko wakutu intua intau mita in Yahudi inta nomakeí im bahasa Yunani mulaidon moya'at ing gina kon intau mita in Yahudi inta totokea. Mosia nosingog nana'a, "Intau nami inta dongkadon boba-babay diaí dodai onda ing kosilaian in tonsilai monia inta silaionmai pomuḷoi in singgai."
2 Tuamai rasul mopuḷuh bodoyowaí tua nogoinií kom bayongan dumodudui mita monia noyosipun bodongka noguman, "Diaíbií mopia aka kami mogogaipa mopota'au in Habar Mopia, sin lantaran moguruspabi' kon soaáḷ mita inta ka'anon.
3 Daí, manikah ki utat mita momilií kom pitu intau inta kon sigad monimu, intau mopia bo inta kinawasa in Roho i Allah, mobijaksana bo inta mota'au pirisaya'anmai mogurus kon soaáḷ mita tana'a;
4 simbaí motantuí im pikiran nami mopoyaput im pirman i Allah bo mosambayang."
5 Sinarima nopia im bayongan jama'at onu inta pino'igum in rasul mita tatua. Daí piniliídon monia ing ki Stepanus, intau inta mopirisaya totok ko'i Yesus bo inta umuran kinawasa'an in Roho i Allah. Na'a doman tangoi monia inta kinopiliían: Ki Pilipus, ki Prokhorus, ki Nikanor, ki Timon, ki Parmenas, bo ki Nikolaus inta nongkon Antiokhia; sia de'emanbií intau in Yahudi, ta'e sinumo'otdon kon agama Yahudi.
6 Taya pitu tua dinia kon tayowon in rasul mita bo sinambayangan poḷat nopo'igum simbaí barakatan i Tuhan im mosia.
7 Natuata inta nobalií sahingga pirman i Allah totokdon no'isiar magií makow bo intau mita inta nopirisaya ko'i Yesus kon Yerusalem nodugangdon totok ing kobayongea. Bo noaíntoí domandon imang in nopirisaya ko'i Yesus.
8 Ki Stepanus na'a in intaubií inta totok binarakatan i Allah. Moaíntoí totok in soaáḷ inta mokoherang inaidannya kon sigad in intau moaíntoí.
9 Ta'e oyuíon doman intau in diaí mopirisaya ko'inia; mosia tua in jama'at nongkon Yahudi inta Tangoionmai Jama'at Nobebas. Mosia tua intau mita inta nongkon Kirene bo Aleksandria, mosia noyotakin doman in tongonumai intau Yahudi nongkon Kilkia bo Asia. Intau mita inta noginggabatanmai in singog takin i Stepanus.
10 Tongaí mosia diaí mokoḷawang kong kopopandoi i Stepanus bo Roho inta mosingog ko'inia.
11 Daí mosia nonongganut kon tongonumai intau simbaí moguman kon nana'a, "Kami nokodongog tontanií kon sia totok mopo'ompaímai ko'i Musa bo ko'i Allah."
12 Tuata im pinokiguman monia kon intau moaíntoí bo itoi mita in Yahudi takin mototunduí mita kon agama. Daí dinomok monia ing ki Stepanus bo dinia pinotayow kon sidang Pongadilan Agama.
13 No'iyaputmai kon tua inoiniídon monia in intau mita inta ain sinoko-ubolian monia simbaí mayak kom muna bo mobogoi ing katarangan inta diaí totu'u bo moguman, "Intau tana'a umuranbií mopo'ompaímai kom Baḷoi Tuhan bo parentah mita i Allah inta pinoyaput i Musa."
14 Dinongog nami tontanií sia nosingog nana'a, "Ki Yesus intau Nazaret tua im mogumpag kon tampat tana'a bo momaḷui kom bayongan adat inta inogoi i Musa ko'i naton."
15 Bayongan intau kom pinosidangan tatua komintan inimindoi ko'i Stepanus. Inontongmai monia pogot i Stepanus naídon pogot im malaekat.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA