Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Surat enda i bas aku nari, Paulus si nggo ipilih Dibata jadi rasul Kristus Jesus. Aku IsuruhNa pembarken kegeluhen si ipadanken guna ialoken i bas persadanta ras Kristus Jesus.

² Surat enda man Timotius, anakku si kukelengi. Dibata Bapa ras Kristus Jesus Tuhanta mereken lias ate, perkuah ate ras kemalemen ate min man bandu.

³ Bujur kukataken man Dibata, si kusembah alu tutus, bagi nini-niningku nai. Bujur kukataken man Dibata asum kuinget kam rusur i bas pertotonku subuk suari bage pe berngi.

⁴ Kuinget kuga pertangisndu, janah mesikel kal aku jumpa ras kam gelah meriah kal min kuakap.

⁵ Kuinget tutus atendu erkiniteken bali ras kiniteken nini tudungndu Lois ras nandendu Enike. Tek aku maka i bas kam pe lit kiniteken si bage.

⁶ Erdandanken si e kupersingeti man bandu gelah gara mulihken i bas kam pemere Dibata, si ialokenndu asum kutamaken tanku i babo takalndu.

⁷ Sabap Kesah si ibereken Dibata man banta labo erbahanca gelah kita percik-cik; tapi KesahNa e ndemi kita alu kuasa, kekelengen, bage pe gelah ngasup kita ngkuasai dirinta.

⁸ Emaka ula kam mela ersaksi kerna Tuhanta; bage pe ula kam mela kerna aku si ipenjaraken erdandanken Kristus. Tapi buat baginndu i bas kiniseran guna Berita Si Mehuli bagi ibereken Dibata man bandu gegeh guna si e.

⁹ Kita nggo IselamatkenNa janah nggo kita IpilihNa jadi SikerajangenNa, labo erdandanken kai si ibahan kita, tapi erdandanken sura-SuraNa dingen lias AteNa nge. Lias AteNa e IberekenNa arah Kristus Jesus ope denga tembe si nasa lit enda.

¹⁰ Tapi genduari perkuah AteNa e nggo tangkas man banta arah kerehen Si Ngkelini kita, Kristus Jesus. Jesus nggo naluken kuasa kematen janah nggo IpetangkasNa kegeluhen si la erkeri-kerin arah Berita Si Mehuli.

¹¹ Aku nggo iangkat Dibata jadi rasul dingen guru guna pembarken Berita Si Mehuli.

¹² Janah erdandanken si me maka aku ngenanami kiniseran-kiniseran. Tapi tetap aku tek, sabap kutandai nge ise penalemenku. Janah tek aku Ia ngasup ngkawali aku ras si nggo IendeskenNa man bangku seh ku Wari pendungi e.

¹³ Tagangilah alu nteguh kata si kuajarken man bandu, jadi usihen si man ikutenkenndu. Janah tetaplah kam i bas kiniteken ras kekelengen si idat kita erkiteken persadanta ras Kristus Jesus.

¹⁴ Jagalah erta-erta si mehuli si nggo iendesken Dibata man bandu arah Kuasa Kesah Si Badia si ringan i bas kita.

¹⁵ Ietehndu maka kerina kalak si ringan i Propinsi Asia nggo nundalken aku, ikut pe Pigelus ras Hermogenes.

¹⁶ Icidahken Tuhan min perkuah AteNa man keluarga Onesiporus, sabap aku nggo megati iapulina. La mela iakapna aminna pe ietehna aku i bas penjara.

¹⁷ Tapi seh kenca ia i Roma minter aku idaramina ngayak jumpa.

¹⁸ Tuhanlah mereken perkuah AteNa man Onesiporus i bas Wari e pagi! Tangkas kal ietehndu maka megati aku isampatina i Epesus.

2 Timotius

Video 2 Timotius 1

Ikuti Kami:

KONTAK | PARTISIPASI | DONASI