Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Ne'ena ge'ena dua ma warasa ma sa'angeu taika nginika. 'O Buku 'Itebi-tebinoka 'isilefoku, "'O parakara 'iodumu salingou 'isikuata de 'o sakisii yaino ma kurangi yamididi bolo yaruange, 'asa de 'o parakara ge'ena 'itiai."

² 'O nyawa gee ma 'orasi 'ipasa-pasa yosowonokau, de mita 'o nyawa 'iregu 'iodumu, takisitiariokau gee taika nginika ma warasa ma modidi. Ma 'orasi ne'ena gee ngone pomakakurutoka, ngoi tinisingano-nganonoli, dua gee toboali, 'o nyawa gee 'o sowono yodi-diai yoodumu ma rai 'asa takihukumu.

³ Ngini niomau niamake ma nyo-nyata 'ato ma Kristus wobicara ma ngekomo ngoi. So ngini 'asa niamake 'ato ma gou-goungu ma Kristus wobicara ma ngekomo ngoi. Nako ma Kristus winipareta ge'ena 'awi guata koikuranguwa, ma 'ena wosidumutu 'awi kuasa nginioka.

⁴ Ma goungu ma 'orasi 'una wisidele de wosongene 'o salipoka, 'una kowokuatuwa, ma ma 'orasi ne'ena 'una wo'ahu sababu ma Jo'oungu ma Dutu 'awi kuasa. Ngomi gee mimarimoi de ma Kristus mita komiokuatuwa 'amia 'ahu ma sigoronaka, ma nako gee ngomi nia bionoka, ngini 'asa niamake ngomi de ma Kristus miokua-kuata sababu ma Jo'oungu ma Dutu 'awi kuasa.

⁵ Bika ngini ma sirete nimatibangi niosidi-diai! 'Ania 'ahu ma titi ge'ena nia ngo-ngaku ma Kristusika? Ma raiokau ngini nianako ma Kristus Yesus naga de de ngini! Ma nako ngini ko de nia singina ma gounguwa niongaku, ge'ena 'imakaregu.

⁶ Ngoi toga'asoko ngini niasahe 'ato ngomi ne'ena 'amia 'ahuoka 'iwaitokau 'o Yesus naga.

⁷ Ngomi miolahidoa ma Jo'oungu ma Dutuka la tanu winiriwo la nia 'ahu 'itiai. Ma ge'ena komiosidumutuwa 'ato ngomi ne'ena miobarija mia'ao 'amia manarama, ma 'ena la ngini niadiai 'okia naga gee ma Jo'oungu ma Dutu wodua-duaka. Ngaro ngomi mimakeno komimadagakunuwa mia manaramoka ma koyado'oawa!

⁸ Sababu ngomi ka ma eta ma koidadiwa miadiai gee koiti-tiaiwa; ngomi salingou miamoteke gee 'iti-tiai.

⁹ Ngomi mioduaka nako mimakeno komiokuatuwa 'amia 'ahu ma sigoronaka, 'itilai ngini niokua-kuata 'ania ngo-ngakuoka. Ngomi miolahidoa mita la 'ania ngo-ngakuoka nimadotomo.

¹⁰ Ge'enau so ngoi tolefo 'o surati ne'ena gee ma 'orasi ngoi ko nginiokawasi. De ma ngekomo ge'ena, nako la dua toboa, 'uwau tinikuata de 'o kuasa gee ma Jou woikulano. 'O kuasa ge'ena wokula ma ngale 'ania ngo-ngaku tosikuata, so kotinisitorouwa.

¹¹ Ma do-dogumuku 'Esa moi riaka dodoto, sababu de nia ngo-ngaku so salingou niomorene, de niomariwo la nio'ahu nimadotomo. Niadawongo 'ai demo-demo 'iodumu. Tanu ngini ka 'o singina moi de nio'ahu nimarimoi. Toga'asoko la ma Jo'oungu ma Dutu 'o dora de 'o sikatiai ma titi naga de de ngini.

¹² Nimakatabea moi de moi de nimakadora 'isoka 'o 'esa moi ma ngale ka 'o ngo-ngaku moi. Ma Jo'oungu ma Dutu wi 'umati yoodumu manga tabea yosidingoto nginika.

¹³ Tanu ma Jou Yesus Kristus winikula 'o co-catu, ma Jo'oungu ma Dutu winidora, de 'o Ngomasa 'Itebi-tebini naga de de ngini nioodumu la ngini nimarimoi! Ngoi 'o Paulus, tinitabea!

¹⁴ (13:13)

2 Korintus

Video 2 Korintus 13

Ikuti Kami:

KONTAK | PARTISIPASI | DONASI