Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Iamote tu ma’pentallunna kasaeangku lako kalemi. Sipatu tu mintu’na apa la napakatua kada sun dio pudukna da’dua ba’tu tallu to sa’bi.

² Mangkamo kupokada dolo, na kupokada dolo pole’omi, – susi tongku dio ren tonna ma’penduanna, totemo te tae’ kudio ren –, lako tu to umpogau’ bang kasalan pirambongi’ sia iatu mintu’ to senga’, kumua iangku sae pole’, tae’mo tau kukatirinnai;

³ anna mituntun bang tanda manassana tu Kristus kusumbungan kadanNa, tu tang mipolangga’, sangadinna mipomatoto’.

⁴ Belanna inang dia’ta’ diona kalanggaran, apa tuo sule diona kamatotoranNa Puang Matua. Kami te kipolangga’ duka tu kalanggaranNa, apa la tuokanni sola diona kamatotoranNa Puang Matua, tu dipamanassa lako kalemi.

⁵ Paressa kalenai tu kalemi, ba’tu lan siakomi kapatonganan, ontongpi sudi kalenai tu kalemi. Ba’tu tae’raka miissanni kumua Narondongkomi Yesu Kristus? Bokoranna ke attangangkomi.

⁶ Apa kurannuan la miissan kumua kami te tae’ angki attangan.

⁷ Apa kipalaku langngan Puang Matua dikua anna tae’ kakadakean mipogau’, tae’ kumua angki payanan tang attangan, sangadinna dikuari ammi pogau’ kameloan, moi angki butung to attangan.

⁸ Belanna tae’ kima’din umpogau’i tu untingoinna kamanapparan, sangadinna situru’nari kamanapparan.

⁹ Belanna parannukanni, to ke langga’kanni, anna kamu batta’. Ia duka te iannate kipalakuangkomi tu la miposielle’na.

¹⁰ Iamo patunna to angku sura’i te iannate, su’ding mambelapa’, kumua iangku diomo ren, tae’mo kumanggi’ ullaoan makarra’i situru’ kakuasan tu Napa’kamasean Puang lako kaleku, iamotu ma’pabendan, tangngia la massongkan.

¹¹ Ma’katampakanna, e kamu siulu’ku, parannukomi, tuntunni tu miposielle’na, alakomi pa’pakilala, sanginaakomi, sikaelokomi. AnNa Puang Matuamora tu oto’na kamamasean sia kamarampasan urrondongkomi.

¹² Pada sisalama’komi mipasituru’i pangudung masero.

¹³ (13-12b)Mintu’ to masallo’ umparampo salama’na lako kalemi.

¹⁴ (13-13) Anna kamaturu-turuanNamora Puang Yesu Kristus na pa’kaboro’Na Puang Matua na kasiturusanNa Penaa Masallo’ urrondongkomi sola nasang.

2 Korintus

Video 2 Korintus 13

Ikuti Kami:

KONTAK | PARTISIPASI | DONASI