Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Ini luk keteluh kua' ui macing nemuyuh. "Idi kudeng inan luk ngadu' nelun, na miak na inan dueh, teluh burur lun nekali'"—maya' kudeng luk pangeh inayud.
2 Ui pian mada' nemuyuh luk pangeh mesala' atun, idi amung lun baken pana', mepad kudeng luk bilaku atun, kareb ui nengikak nemuyuh luk kedueh kua', iamo' ui pebala kudeng ineh teh rat mado: kareb ui macing teh, seburur pana' nateh luk mepuit ratnan ukum.
3 Kali' rungen muyuh miak ngalap tanu' ratnan Keristus pebala lemaba Negku. Idi Ieh na melaya' pa kiung muyuh, iamo' Ieh ngegala' laludNeh arang muyuh.
4 Ngaceku sagan pana' Ieh sinalib bang laya'Neh, iamo' Ieh mulun nekini ngaceku ratnan lalud Allah. Kai ini pana' melaya' teh bang Neneh, iamo' kai miak mulun denganNeh kuan muyuh, ngaceku ratnan lalud Allah.
5 Nutun idi nier ulun muyuh sebuleng, inanké anu muyuh lutep? Naké muyuh sebuleng kali' idi Yésus Keristus tudo bang nemuyuh? Kudeng na pieh kudeng ineh muyuh pangeh neraruh.
6 Ui merapet nemuyuh kali' kai ini na neraruh.
7 Kai mutuh inan Allah, pad muyuh na nganau' sala', baken pad kai ini siren matu, iamo' pad muyuh ini nganau' luk matu, sagan pana' ayuneh kai pangeh neraruh.
8 Ngaceku kai na miak nganau' anun-anun luk sikal metueh ratnan luk matu, iamo' maya' luk matu.
9 Ngaceku kai mawang niat, kareb kai ini melaya' idi muyuh ini metueh. Ini punneh kai sembayang pad anu muyuh uen ngeriput.
10 Ini punneh ui ngayud ini, kareb ui mado rat nemuyuh, pad kareb ui macing teh na ui metueh mada' nemuyuh dengan lalud luk biré Tuhan kuanku. Lalud ineh biré Tuhan pad mudut idi baken ngusag.
11 Idi nekini, O kinanak-kinanakku, tabi' kuan muyuh. Do' muyuh mekél pad anu muyuh meriput, idi ninger bada'ku. Do' muyuh sebuleng niat, idi pedo'. Idi Allah luk lawa awa idi pedo' miak tudo dengan muyuh.
12 Do' muyuh petabi' seburur dengan seburur dengan pebuen luk meligan.
13 (13-12b) Amung-amung lun manu ineh maré tabi' kuan muyuh.
14 (13-13) Do' katu Tuhan Yésus Keristus idi awa Allah idi rurum Roh Meligan ngedengan amung-amung muyuh.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA