Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Sulaiman jumenneng rato e sanagara Isra’il. Areya’ om-kaom oreng agung se eangkat bi’ Sulaiman: Mam-imam: Zadok, Azarya pottrana Zadok, Abyatar; Sekettarissa nagara: Elihoref ban Ahiya, iya areya tra-pottrana Sisiya; Bendaharana nagara: Yosafat, pottrana Ahilud; Panglimana angkadan perrangnga: Benaya, pottrana Yoyada

² (4:1)

³ (4:1)

⁴ (4:1)

⁵ Pangawassa para bupati: Azarya, pottrana Natan; Panasehadda rato: Imam Zabud, pottrana Natan;

⁶ Kapalana roma tatanggana karaton: Ahisar; Kapalana li-koli rodhi: Adoniram, ana’na Abda.

⁷ Sulaiman ngangkat bupati dhubellas oreng e sanagara Isra’il. Kawajibanna ti-bupati jareya makompol dhari baba kakobasa’anna bang-sebang bahan kakanan se ekaparlo rato ban saessena karaton. Saneyap bupati alir-gilir wajib nyadhiya’agi kabutowan jareya sabulan abidda e dhalem sataon.

⁸ Bupati se dhubellas oreng jareya ekapalae gubennor. Areya’ asmana para bupati jareya ban baba kakobasa’anna bang-sebang: Ben-Hur: dhaera pagunongan Efraim, Ben-Deker: kottha Makas, Sa’albim, Bet-Semes, Elon, Bet-Hanan, Ben-Hesed: kottha Arubot, Sokho, ban saantero dhaera Hefer, Ben-Abinadab, rakana Tafat pottrena Sulaiman: saantero dhaera Dor, Ba’ana pottrana Ahilud: kottha Ta’anakh, Megido, ban saantero dhaera e seddi’anna Bet-Seyan, e seddi’na kottha Sartan e lao’na kottha Yizre’el sampe’ gan kottha Abel-Mehola ban kottha Yokmeyam. Ben-Geber: kottha Ramot e Gileyad, pong-kampong e Gileyad andhi’na kaom Ya’ir toronanna Manasye, dhaerana Argob e Basan; bannya’na kabbi badha sabidak kottha raja se epakowat bi’ binteng ban lang-palang paronggu e bang-labang sakethengnga, Ahinadab pottrana Ido: dhaera Mahana’im Ahima’as, lakena Basmat pottrena Sulaiman: dhaera Naftali, Ba’ana pottrana Husai: dhaera Asyer, kottha Alot, Yosafat pottrana Paruwah; dhaera Isakhar, Simei pottrana Ela: dhaera Benyamin, Geber pottrana Uri; dhaera Gileyad, se lamba’ ekobasae Sihon rato Amori, ban Og rato Basan.

⁹ (4:8)

¹⁰ (4:8)

¹¹ (4:8)

¹² (4:8)

¹³ (4:8)

¹⁴ (4:8)

¹⁵ (4:8)

¹⁶ (4:8)

¹⁷ (4:8)

¹⁸ (4:8)

¹⁹ (4:8)

²⁰ Ra’yat Yehuda ban Isra’il bannya’na akantha beddhi e penggir tase’. Kakan ban nom-enomanna cokop, odhi’na senneng.

²¹ Saneyap kalowarga andhi’ kebbun anggur ban kebbun ara. Saomorra Sulaiman ra’yat sa Yehuda ban sa Isra’il dhari Dan sampe’ ka Bersyeba odhi’na aman ban taremtem. Sabab, to-rato e bara’na Efrat padha atellok kabbi ka salerana, ban sa-bangsa dhari ra-nagara e sabingkerra karaja’anna akanca ban salerana. Tana e bara’anna Songay Efrat dhari Tifsah e penggirra Songay Efrat terros ka bara’ ka kottha Gaza e Filistin sampe’ ka batessa Messer, ekobasae Sulaiman kabbi. Sa-bangsa e nagara jareya atellok ka salerana ban majar pesse opet. Han-bahan kakanan se ekaparlo Sulaiman sabban arena iya areya teppong alos lema ebu liter, teppong kasar sapolo ebu liter, sape kandhang sapolo meggi’, sape teggal dhu polo meggi’, ban dumba saratos meggi’. Laen dhari jareya gi’ kodu esadhiya’agi keya manjangan, keddang ban sabangsana ajam etek.

²² (4:21)

²³ (4:21)

²⁴ (4:21)

²⁵ (4:21)

²⁶ Sulaiman kaagungan tantara jaran bannya’na dhubellas ebu ban kandhang bannya’na pa’ polo ebu meggi’ se egabay kennengnganna ran-jaran se narek ta-karetana.

²⁷ Saneyap bupati alir-gilir sabulan ebang ngatorragi bahan kakanan kaangguy Rato Sulaiman ban reng-oreng se narema cato kakan dhari karaton, sampe’ kabbi padha tadha’ se kakorangan pa-apa.

²⁸ Saneyap bupati jareya ngatorragi keya gandum ban darameyan kaangguy pakanna sakabbinna jaranna Sulaiman, iya areya ran-jaran tompa’an ban ran-jaran se epanarek kareta. Pakanna ban-keban jareya egiba ka dhang-kandhangnga jaran jareya, bannya’na menorot kabutowanna.

²⁹ Allah marenge Sulaiman kabicaksana’an se lowar biyasa, ban pangarteyan se lowar biyasa, bariya keya pangataowan se talebat dhalemma.

³⁰ E ra-nagara e temor ban e Messer tadha’ oreng settonga se apenterran dhari salerana.

³¹ Sulaiman jareya bendher oreng se paleng penter dhari sakabbinna oreng: alebbiyan dhari Etan oreng Ezrahi, Heman, Kalkol ban Darda na’-ana’na Mahol. Asmana Sulaiman kasohor e man-dhimman e ra-nagara sakalenglengnga karaja’anna.

³² Karanganna aropa parebasan tello ebu meggi’ ban nyanyeyan lebbi dhari saebu macem.

³³ Sulaiman bisa abu-dhabu parkara ka’-bungka’an ban men-tamennan — molae dhari bungkana comara Libanon sampe’ ka ba-rebba kot-lokot se tombu e dhung-geddhung bato. Bariya keya parkara ban-keban akantha ompamana mano’, reptil ban juko’.

³⁴ To-rato sadunnya padha meyarsa parkara kapenterranna Sulaiman sampe’ kabbi padha ngotos oreng se esoro ngedhingngagi pa-apa se edhabuwagi Sulaiman jareya.

1 Raja-raja

Video 1 Raja-raja 4

Ikuti Kami:

KONTAK | PARTISIPASI | DONASI