Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Maraq nike ẽndah side pade, senine-senine harus tunduk tipaq semame adẽq lamun lẽq antare ie pade araq saq ndẽq percaye lẽq Manik Allah, kelakuande bau miaq ie pade jari percaye dait ndẽq perlu side pade bebase napi-napi lẽq ie pade,

² sẽngaq ie pade serioq idupde saq solẽh dait murni.

³ Ndaq keingesande cume keingesan saq penggitan lẽman luah, maraq misal ngengadu potongan bulu saq macem-macem ruene, ngengadu periasan emas, atao kelambi saq mahel-mahel.

⁴ Sebalikne, keingesande harus dateng lẽman dalem batin, budi pekerti saq lemah lembut dait tenang; nike keingesan saq kekel saq mahel ajine lẽq arepan Allah.

⁵ Maraq niki entane dengan-dengan nine saq solẽh lẽq jaman laẽq, ie pade saq beharep lẽq Allah peringes diriqne siq care tunduk lẽq semame ie pade.

⁶ Maraq nike ẽndah Sarah, ie taat lẽq Ibrahim dait nyebut ie majikanne. Mangkin side ẽndah jari bije-bije Sarah, lamun side pade ngelaksaneang hal-hal saq solah dait ndẽq takut lẽq napi juaq.

⁷ Dait side pade ẽndah, semame-semame, side pade harus idup bijaksane tipaq seninende, dait siq kesadaran bahwe ie pade kaum saq lemah. Lantaran bareng-bareng kance ie, side nerimaq rahmat Allah, nike kehidupan. Siq care nike ndẽq araq saq halangin do'ende.

⁸ Ahirne, side pade harus sopoq angen, saling sayang, saling kasihin kance selapuq semeton, lemah lembut, dait rendah atẽ.

⁹ Ndaq bales kejahatan siq kejahatan, atao sumpaq senaq tebales siq sumpaq senaq; sebalikne side harus bales perbuatan-perbuatan nike siq tunasang berkah lẽman Allah. Sẽngaq jari hal nike Allah ngemanikang side pade adẽq side pade nerimaq berkah lẽman Ie.

¹⁰ Sẽngaq lẽq dalem Kitab Suci tetulis: "Dengan saq mẽlẽ nikmatin idup dait mẽlẽ ngalamin jelo-jelo saq solah, harus jagaq biwihne adẽqne ndẽq ngeraosang hal-hal saq jahat, dait ndẽqne ngucapang hal-hal saq duste.

¹¹ Ie harus jaoqang diriqne lẽman hal-hal saq jahat dait ngelaksaneang saq solah; ie harus pacu-pacu bejuang jari mauq perdamẽan.

¹² Sẽngaq Tuhan tetep merhatiang dengan-dengan saq kenaq, dait Tuhan tetep mirengang do'e-do'e ie pade saq nunas tulung; laguq Tuhan ngelawan dengan-dengan saq gawẽq jahat."

¹³ Sai saq mẽlẽ gawẽq jahat lẽq side, lamun side pade rajin ngelaksaneang hal saq solah?

¹⁴ Laguq timaq side pade harus menderite lantaran ngelaksaneang hal-hal saq solah, side pade bahagie! Ndaq takut lẽq sai juaq, dait ndaq kuatir.

¹⁵ Laguq lẽq dalem atẽnde, side pade harus ngebẽng penghormatan saq husus tipaq Almasih sebagẽ Junjungan Saq Mulie. Dait side pade harus tetep siep bejawab tipaq sebilang dengan saq beketuan mengenai pengharepan saq araq lẽq side.

¹⁶ Laguq laksaneang hal nike secare lemah lembut dait hormat dait atẽ nurani saq murni, adẽq lamun side pade tepitnah lantaran side pade idup solẽh lẽq dalem Almasih, make dengan saq pitnah nike gen jari ilaq mẽsaq.

¹⁷ Solahan menderite lantaran ngelaksaneang saq solah -- lamun nike pekayunan Allah -- ketimbang menderite lantaran gawẽq saq jahat.

¹⁸ Sẽngaq Almasih mẽsaq ninggal cume sekali doang, jari selaẽq-laẽqne lantaran dose manusie -- Ie saq ndẽq salaq, ninggal demi dengan saq salaq. Almasih ngelaksaneang hal nike adẽq Ie bau bimbing side tipaq Allah. Ie tematẽq lẽq dalem keadaan-Ne sebagẽ manusie, laguq teidupang malik menurut Roh.

¹⁹ Dait dalem keadaan Roh nike, Ie lumbar beriteang Kabar Solah lẽman Allah tipaq roh-roh saq araq lẽq dalem bui:

²⁰ Nike roh dengan-dengan saq ndẽq taat lẽq Allah lẽq jaman Nuh. Lẽq waktu nike siq sabar Allah ngantos ie pade betobat sengonẽq Nuh miaq kapal. Cume dengan-dengan saq araq lẽq dalem kapal doang -- selapuqne baluq dengan -- saq teselametang lẽman belabur belẽq nike.

²¹ Peristiwe nike jari perumpamean lẽman baptisan saq mangkin niki nyelametang side pade. Baptisan niki ndẽqne sopoq upacare jari persiq awak lẽman selapuq saq kotor-kotor, laguq jari petunasan tipaq Allah adẽq Ie ngicanin atẽ nurani saq murni. Baptisan nike nyelametang side pade sẽngaq Deside Isa Almasih sampun idup malik lẽman ninggal,

²² dait sampun taẽk ojok sorge serte melinggih lẽq sedi kanan Allah. Selapuq malaẽkat, selapuq penguase dait selapuq kekuatan takluk lẽq Ie.

1 Petrus

Video 1 Petrus 3

Ikuti Kami:

KONTAK | PARTISIPASI | DONASI