Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 E dhalem pangaton samarena jareya, sengko’ nangale’e badha oreng lalake’ kasorang se neggu’ tale kor-okor.
2 "Meyosa ka’amma?" ca’na sengko’. "Entara ngokor Yerusalim," saodda, "sengko’ terro taowa barampa lanjangnga ban lebarra kottha jareya."
3 Saellana jareya sengko’ nangale’e malaekat se abu-dhabu ka sengko’ gella’ atengka’ ka adha’, sarta pas badha malaekat laenna se manggi’i malaekat jareya.
4 Malaekat se nomer settong adhabu ka se nomer dhuwa’, "Kassa’ duliyan entar ka oreng ngodha rowa, kabala ja’ Yerusalim bakal possa’a ban manossa sarta ebin sampe’ ta’ kera bisa epaddeggi geddhung e sakalenglengnga.
5 PANGERAN la ajanji bakal daddiya geddhung apoy e sakalenglengnga kottha jareya kaangguy ajaga kottha jareya sarta alenggiya e dhissa’ e dhalem sakabbinna kobasana ban kaagunganna."
6 PANGERAN adhabu ka ommadda, "Bi’ Sengko’ ba’na la epasalebbudan ka man-dhimman. Tape sateya, he reng-oreng buwangan, mara buru dhari Babil abali ka Yerusalim.
7 (2:6)
8 Sapa se nyerrang ba’na, nyerrang buwana Tang ate." Daddi PANGERAN Se Mahakobasa ngotos sengko’ manapa’ pessen reya ka sa-bangsa se arampogi ommadda.
9 "PANGERAN dibi’ se ngadhebbana ba’na! Ban ba’na bakal erampoga bi’ bekkas nor-dunorra ba’na dibi’. Mon se kantha jareya la kalakon, ba’na bakal taowa ja’ PANGERAN Se Mahakobasa la ngotos sengko’."
10 PANGERAN adhabu, "Mara anyanye paperak, he, pandhudhu’ Yerusalim! Sengko’ ennengnga e nga’-tengnga’anna ba’na!"
11 E jaman jareya bannya’ bangsa se dhatengnga ka PANGERAN daddiya ommadda. Pangeran bakal alenggiya e nga’-tengnga’anna ba’na, ban ba’na bakal taowa ja’ PANGERAN la ngotos sengko’ ka ba’na.
12 Yehuda bakal daddiya kaagunganna PANGERAN malolo sakaleyan aggi’ e tanana se socce, ban Yerusalim bakal daddiya kottha se paleng ekaneserre Salerana.
13 Mara ba’na kabbi neng-enneng e ajunanna PANGERAN! Sabab Pangeran la meyos dhari kalenggiyanna e sowarga.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA