Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 I bas pengenehenen si deban kuidah sekalak dilaki njemak tinali sibar-sibar.
2 "Ku ja kam e?" ningku man bana. "Ku Jerusalem, lako nibarisa, ntah kasa kai belangna ras gedangna," nina ngaloi.
3 Kenca bage kuidah reh malekat si pernah ngerana ras aku e, jenari reh ka malekat si deban njumpaisa.
4 Nina malekat si pemena ndai man si sada nari, "To kiamken, janah kataken man anak perana si njemak tinali sibar-sibar ah maka nandangi nterem kal denggo jelma ras asuh-asuhen i Jerusalem seh maka lanai siat adi ibahan tembokna.
5 TUHAN nggo erpadan maka Ia jine kap jadi tembok api sekelewet kota e lako engkawalisa, dingen i je me Ia ringan alu dem kemulian."
6 Ikataken TUHAN man BangsaNa, "Nggo Kukerapken kam ku japa pe. Tapi genduari, o kalak buangen, lompatlah i Babilon nari, janah mulihlah ku Jerusalem.
7 (Za 2:6)
8 Ise si mekpek kam, anak matangKu jine kap si ipekpekna e." Emaka TUHAN si Mada Kuasa nuruh aku nehken berita enda man bangsa-bangsa si nggo ngerampasi BangsaNa nina,
9 "TUHAN jine kap si ngelawan kam kerina, janah bangsa si nggo pernah jadi suruh-suruhenndu ngerampasi kam me pagi." Kenca jadi pagi si enda, kerina pagi kalak meteh maka TUHAN si Mada Kuasa kap si nuruh aku.
10 Nina TUHAN, "Rendelah alu meriah, o kalak Jerusalem! Reh nge Aku ringan i tengah-tengahndu!"
11 I bas paksa e pagi melala bangsa reh ndahi TUHAN janah jadi BangsaNa. Ringan me Ia i tengah-tengahndu.
12 Sekali nari Juda jadi pusaka TUHAN i bas TanehNa si badia e, janah Jerusalem me kota si kelengna kal AteNa.
13 Siniklah i adep-adepen TUHAN o kerina jelma, sabap nggo berkat Ia i bas InganNa si badia nari.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA