Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Yunus ce’ ta’ sennengnga polana jareya; salerana la’-mala’ peggel.
2 Yunus pas adu’a, "Adhu GUSTE, abdidalem gu ta’ ampon mator sabellunnepon mangkat dhari compo’ gi’ dhimen, ja’ Junandalem tanto alampa’agi kadi ka’dhinto? Ka’dhinto sabappepon aponapa abdidalem me’ terros buru ka Spanyol! Abdidalem oneng jugan ja’ Junandalem ka’dhinto Allah se bellas ase, sabbar sareng ta’ gampang duka, alos, sareng ros-terrosan asadhiya ngoba’a kasokanna se ngokoma.
3 Samangken, GUSTE, diggal abdidalem me’ olle mate saos, sabab langkong sae mate etembang odhi’."
4 Dhabuna PANGERAN, "Ba’na me’ gel-mapeggel kantha jareya tadha’ margana."
5 Saellana jareya Yunus meyos ka temorra kottha, sarta pas alenggi e jadhiya. Salerana abadhi ranggun sarta ngaop e dhalemmanna, sambi anante’ apa se bakal kadaddiyana e kottha Niniwe.
6 Daddi GUSTE Allah matombu ka’-bungka’an se nalar se anaonge Yunus sampe’ Yunus arassa senneng. Pajat iya, Yunus ce’ leburra ka bu-tombuwan jareya.
7 Tape kalagguwanna e baja sobbu, Allah abadhi caceng settong se agisgis ramo’na tamennan jareya, sampe’ elop.
8 Saellana are moncar, Allah madhateng angen se panas se dhateng dhari temor. Yunus para’ kalengngerra ekenneng sonarra are se akantha se ngobbar serana. Salerana arassa potos pangarep, sarta terro seda’a. Dhabuna, "Lebbi becce’ sengko’ mate bai etembang odhi’ kantha reya!"
9 Tape Allah adhabu ka Yunus, "Ba’na ta’ patot sossa talebat kantha jareya pera’ polana tamennan jareya!" Saodda Yunus, "Aponapa me’ buntenna? Ampon sapantessa abdidalem ce’ peggella kantos mate."
10 PANGERAN pas adhabu ka Yunus jareya, "Tamennan reya tombu pera’ e dhalem bakto samalem, sarta pas elop kalagguwanna; ba’na ta’ noro’ namen ban ta’ noro’ meyara. Maske kantha jareya ba’na arassa sossa polana tamennan jareya elop.
11 Masa’ Sengko’ ta’ sossa’a mekkere Niniwe, kottha se raja jareya. Sabab salaenna e kottha jareya badha ban-kebanna se ta’ kaetong bannya’na, e jadhiya gi’ badha na’-kana’ lebbi dhari saratos dhu polo ebu oreng, na’-kana’ se gi’ ta’ tao abida’agi apa se becce’ ban apa se juba’."
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA