Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Erkiteken si e nembeh kal ate Juna, emaka merawa ia.

² Emaka ikatakenna man TUHAN, "O TUHAN, ma nggo kukataken asum aku i negeringku denga, si enda me kal AteNdu IlakokenNdu. Em sabapna maka pedas-pedas aku lompat ku Sepanyol. Kueteh kap maka kam Dibata si perkeleng dingen perkuah; la minter Kam merawa, tapi Kam melias, dingen tetap nggit Kam ngobah KeputusenNdu gelah ula IukumNdu kalak.

³ Dage genduari, o TUHAN, buatlah kesahku, sabap ulin aku mate asang nggeluh."

⁴ Ngaloi TUHAN nina, "Bujur kin kam merawa?"

⁵ Kenca bage lawes Juna ku julun kuta e; kundul ia i je. Ibahanna sapo-sapona janah i je me ia cilinggem. Itimaina tah kai si nandangi jadi man Niniwe.

⁶ Kenca bage ipeturah TUHAN Dibata sada sinuan-sinuan i babo Juna maka linggem iakapna, gelah senang iakapna i je. Erkiteken si e meriah kal iakap Juna kerna sinuan-sinuan ndai.

⁷ Tapi pepagina, nandangi pultak matawari, isuruh Dibata nipe-nipe mangani sinuan-sinuan ndai seh mate sinuan-sinuan e.

⁸ Nggo kenca nangkih matawari isuruh Dibata rembus angin i Timur nari, emaka narus ia labuh erkiteken iparpari las matawari. Emaka madin akapna ia mate. "Ulin aku mate asa nggeluh," nina.

⁹ Tapi nina Dibata man bana, "Bujur kin kam merawa erdandanken sinuan-sinuan ndai?" Nina Juna, "Seh kal bujurna aku merawa janah pangen aku mate perban nembehna ateku!"

¹⁰ Nina TUHAN man Juna, "Sinuan-sinuan enda turah i bas sada berngi saja, janah pepagina nggo masap. Kai pe la lit penampatndu man sinuan-sinuan e, janah labo kam si peturahsa. Tapi amin bage pe ndele ka nge atendu kerna kai si jadi man sinuan-sinuan e.

¹¹ Dage, tentu kuahen denga ka ateKu ngenehen Niniwe, kota si mbelin e. Apai denga ka i bas kota e lit 120.000 danak-danak si langa meteh apai salah apai benar janah asuh-asuhen pe seh buena!"

Yunus

Video Yunus 4

Ikuti Kami:

KONTAK | PARTISIPASI | DONASI