Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Ndekah denga kenca si e TUHAN mereken keamanen man Israel i bas musuh-musuhna nari si lit i sekelewetna. Tupung e Josua nggo metua kal,

² emaka idilona kerina kalak Israel, pertua-pertua, peminpin-peminpin, hakim-hakim ras kepala-kepala pasuken bangsa e, jenari nina, "Genduari aku nggo metua kal.

³ Nggo idahndu kai si ibahan TUHAN Dibatandu man kerina bangsa enda erkite-kiteken kam. TUHAN Dibatandu nggo erperang guna kam.

⁴ Nggo kutetapken jadi sikerajangen suku si lit i bas kam taneh bangsa-bangsa si lit denga tading, bage pe kerna taneh kerina bangsa-bangsa si nggo kutaluken, mulai i Lau Jordan nari i Timur seh ku Lawit Tengah i Barat.

⁵ TUHAN Dibatandu mahanca pagi kiam kerina bangsa e i adep-adepenndu nari, janah asum kam merangisa IpelawesNa bangsa e kerina. Tanehna la banci la iendesken man bandu pagi, bagi si nggo ipadanken TUHAN Dibatandu man bandu.

⁶ Emaka arus kam metenget ngikuti ras ngelakoken kerina si tersurat i bas kitap Undang-undang Musa. Ula kam nilah sitik pe i bas Undang-undang e nari,

⁷ janah ula kam erteman ras bangsa si lit denga tading i tengah-tengahndu. Kam la banci erbelas i bas gelar dibatana, ntahpe ersumpah i bas gelarna. Nembah man dibatana e pe kam la banci, ntah pe erjimpuh nembah man bana.

⁸ Tapi tetaplah kam setia man TUHAN, bagi kam tetap setia seh genduari.

⁹ Nggo ipelawes TUHAN bangsa-bangsa si mbelin ras megegeh asum kam merangisa janah la lit sada pe si ngasup ngelawan kam.

¹⁰ Sekalak saja pe ngasup kam ngayak-ngayak seribu kalak, sabap TUHAN Dibatandu erperang guna kam, sue ras si IpadankenNa.

¹¹ Dage tutuslah atendu ngkelengi TUHAN Dibatandu.

¹² Adi la kam patuh, tapi ersada kam ras bangsa-bangsa si lit denga i tengah-tengahndu, ntahpe si empon kam ras ia,

¹³ arus itehndu tuhu-tuhu maka bangsa e lanai ipelawes TUHAN Dibatandu tupung kam merangisa. Tapi bangsa e jadi bahaya man bandu desken siding ntah pe ragum si erbahanca mesui iakapndu, desken perligas ngeligas gurungndu. Ntah pe bali ras duri si lit i bas matandu. Si enda tetap pagi bage seh lanai lit sada pe kam tading i bas taneh si mehuli enda si nggo ibereken TUHAN Dibatandu man bandu.

¹⁴ Genduari nggo seh paksana aku mate. Sekalak-sekalak kam meteh i bas ukurna ras i bas tendina maka TUHAN Dibatandu nggo mereken man bandu kerina si mehuli si nggo IpadankenNa. Kerina si IpadankenNa la lit sada pe si la seh, kerina nggo ItepatiNa.

¹⁵ Tapi bali ras PenepatiNa tep-tep padan si IpadankenNa man bandu, bageme pe la banci lang IsehkenNa AncamenNa man bandu.

¹⁶ Adi la ingetndu perpadanen si ipedahken TUHAN Dibatandu man bandu, janah adi ipehaga ras isembahndu dibata-dibata si deban, tentu la banci lang minter kam keri i bas taneh si mehuli enda si nggo IberekenNa man bandu."

Yosua

Video Yosua 23

Ikuti Kami:

KONTAK | PARTISIPASI | DONASI