Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Naga wimoi 'o Yahudioka manga balusu 'o Farisino 'awi ronga 'o Nikodemus.

² Ma moi ge'ena 'iobiruku de waino 'o Yesusino de wongose, "'Aba Guru, ngomi mianako ngona 'o guru moi ma Jo'oungu ma Dutu wonisulokino, sababu komoiwa ya'akunu yadiai 'o no-nako 'ihera-herangi 'isoka ngona nodi-diai nako ko de ma Jo'oungu ma Dutuwa."

³ De 'o Yesus wosango, "Ne'ena tosidemogaroku tosidemo, komoiwa moi yodadi ma Jo'oungu ma Dutu 'awi 'umati nako koyakisingowakuwali."

⁴ Ge'enaka de 'o Nikodemus wongose 'o Yesusika, "Tei, kokia 'o nyawa yobalusokau de yakisingowakoli? Kaidadiosi manga 'esa manga pokorie yoliode 'asa de yakisingowakoli?"

⁵ De 'o Yesus wosango, "Ma gou-goungu yadaene 'ai demo ne'ena: Nago'ona koyakisingowakuwa de 'o 'akere de 'o Ngomasa 'Itebi-tebini, 'ona koyodadiwa ma Jo'oungu ma Dutu 'awi 'umati.

⁶ Ngone 'o nyawa ge'ena ka nanga balusu 'inasingowauku, ma nako 'o 'ahu ma sungi ge'ena 'o Ngomasa 'Itebi-tebinino.

⁷ 'Uwa noherangi nako ngoi tongose 'ato ngini nioodumu salingou nisingowakoli.

⁸ 'O dadoko 'itagi kiaka naga moteke 'ena ma mau, ngone po'isene ma guruusu ma koposidongoowa kiano 'iboa de kiaka 'isikaika. Koge'enali mita 'o nyawa gee 'o Ngomasa yakisingowaka ma ngale 'o 'ahu ma sungi yakikula, ge'ena moteke to 'ena ma mau."

⁹ 'O Nikodemus wosano, "Kokia sigado koge'ena 'idadi?"

¹⁰ 'O Yesus wosango, "Ngona noguru 'o Israeloka de konosikanakowa?

¹¹ Tonisidemo ne'ena: Ngoi tobi-bicara duga ka 'okia sonaa gee tanakokau, de tosijarita duga ka 'okia naga gee tamakekau, ma ngini koniadawonguwa 'okia naga gee tositota-totara.

¹² Ngini koniongakuwa gee ngoi tosijarita 'okia sonaa 'o duniaka ne'ena, so dua ma rai koniongakuwa nako ngoi tosijarita 'okia sonaa 'o sorogaaka!

¹³ Komoiwasi yodoa 'o sorogaade, duga ka ngoi 'o Nyawa ma Ngowaka gee to'utiokau 'o duniaku.

¹⁴ 'Isoka 'o Musa 'o tonaka 'ika-kakasaka 'o ngia gee 'o tambaga yadi-diaiku 'o gotaka wosidoade, koge'enali mita ngoi 'o Nyawa ma Ngowaka salingou 'isitedene 'o salipoka.

¹⁵ La 'o nyawa 'iodumu gee yongaku-ngaku ngoino yamake 'o 'ahu 'ika-kakali."

¹⁶ Sababu ma Jo'oungu ma Dutu wadora ma sala 'o nyawa 'o duniaka ne'ena, sigado wokula 'awi Ngowaka womatengo-tengoka, la nago'ona yongaku de yomasiga-gao 'unaka, ge'ena koyobinasawa ma yamake 'o 'ahu kaisi'ado-'adonika.

¹⁷ Sababu ma Jo'oungu ma Dutu 'awi Ngowaka wosiguti 'o duniaku, ma ngale kowahukumuwa 'o nyawa 'o duniaka ne'ena, ma 'ena wosilaha.

¹⁸ 'O nyawa gee yongaku-ngaku 'unaka ge'ena koyakihukumuwa. Ma gee koyongaku-ngakuwa ge'ena ma Jo'oungu ma Dutu wakihukumokau sababu koyongakuwa ma Jo'oungu ma Dutu 'awi Ngowaika gee womatengo-tengoka.

¹⁹ 'Ona yakihukumu ma sababu naneda: Ma Jo'oungu ma Dutu 'awi darangi 'iboakau 'o duniano, ma 'o nyawa 'ifoloi yoduaka ka 'o darusu ge'ena la 'o sowono, sababu manga manarama 'itorou.

²⁰ 'O nyawa gee yodua-duaka 'o dorou yodiai, yodu'uduku 'o darangi. 'Ona yooluku yaika 'o darangika la manga di-diai 'ito-torou ge'ena 'uwa 'isupu.

²¹ Ma 'o nyawa gee yadi-diai ma Jo'oungu ma Dutu 'awi mau, 'ona yoboa 'o darangika la 'iwaiti 'okia naga yadiaiokau ge'ena moteke ma Jo'oungu ma Dutu 'awi mau.

²² Ge'ena 'ipasa de 'o Yesus de 'awi do-domoteke 'o Yerusalemuoka yoma'aiki yotagi 'o Yudea ma daeraaka. Ge'enaka doka 'una de 'awi do-domoteke manga wange muruoka naga, de ma 'orasi ge'ena 'una 'o nyawa waki'osiki.

²³ Ma 'orasi ge'ena 'o Yohanes kowobuiwasi. 'Una 'o nyawa waki'osiki 'o 'akeroka gee yosironga 'o Ainon 'o Salim ma datekoka, sababu ge'enaka 'o 'akere 'iamoko. So 'o nyawa yoboa 'unano de waki'osiki.

²⁴ (3:23)

²⁵ 'O Yohanes 'awi do-domoteke yamuruo naga yomakaributu de 'o Yahudioka wimoi, ma ngale kokia yoma'isoko la bari yotebini ma Jo'oungu ma Dutu 'awi bionoka moteke manga 'adati.

²⁶ 'Ona yotagi 'o Yohanesika de yongose, "Ee 'Aba Guru, ma raiokau kanongano-nganonosi 'o nyawa wimoi gee de de ngona 'o Yordan ma 'akere ma songonaka, gee ma sira nosidumutu ngomino! Ne'ena 'una 'o nyawa waki'osiki mita, de 'o nyawa manga gudai yotagi 'unaka!"

²⁷ 'O Yohanes wosango, "Ka ngone 'o nyawa ge'ena kopomadamakewa 'isoka koge'ena, nako ko ma Jo'oungu ma Dutuwa wonakula.

²⁸ Ngini ma sirete nio'isenokau ngoi tosidemo konee: 'Ngoi ko ma Koana 'o Nyawa Wosilaha-lahawa. Ngoi ma Jo'oungu ma Dutu woisuloko tosira 'o duniano, 'asa deika 'una.'

²⁹ Ma raiokau 'o nyawa dua yosikaika 'unaka sababu 'ona ge'ena to 'una, 'isoka 'o ngeweka monga-ngaamoko muna ge'ena to ma rokata. Ma wonga-ngaamoko 'awi manai ge'ena duga kawoma'okode 'awi dateoka de wosigisene, de 'una womorene nako wo'isene wonga-ngaamoko 'awi 'ilingi. Koge'enali mita ngoi. Ne'ena ngoi tomorene ma sala.

³⁰ Salingou 'una kaisiika monga wisiamoko, de ngoi kaisiika monga koisiamokuawau."

³¹ "'Una gee daku 'o sorogaaku woboaku, 'una wodaduie de 'o nyawa 'iodumu 'o duniaka. Ma 'o nyawa 'o duniano, 'ona ge'ena 'o dunia ma nyawa, de yobi-bicara 'o dunia ma kia sonaa. 'Una gee dakuuku 'o sorogaaku woboa-boaku, ge'ena 'una wodaduie de 'o sagala 'iodumu.

³² 'Una wosidemo 'okia naga gee wamakekau de wo'isenokau 'o sorogaaka, ma 'o nyawa koyongakuwa 'okia naga wosidemo-demo ge'ena.

³³ Ma 'o nyawa gee yongaku 'awi demo ge'ena, 'ona ge'ena yongaku 'ato ma Jo'oungu ma Dutu 'awi demo ge'ena ma gou-goungu 'itiai.

³⁴ Sababu 'una gee ma Jo'oungu ma Dutu wisuloko wositotara 'awi demo-demo, ngano 'unaka wisidukulakau 'o Ngomasa 'Itebi-tebini ma kuasa.

³⁵ Nanga Dea ma Jo'oungu ma Dutu wisibosono 'awi Ngowaika, de wosisarakaniokau 'o sagala moi-moi 'una waparetano.

³⁶ 'O nyawa gee yongaku de yomasiga-gao ma Jo'oungu ma Dutu 'awi Ngowaika gu'una, 'ona yamake 'o 'ahu 'ika-kakali. Ma 'o nyawa gee kowisingounuwa ma Jo'oungu ma Dutu 'awi Ngowaika gu'una, 'ona koyamakewa 'o 'ahu kaisi'ado-'adonika. 'Ona ma Jo'oungu ma Dutu tatapu kawakihukumosi."

Yohanes

Video Yohanes 3

Ikuti Kami:

KONTAK | PARTISIPASI | DONASI