Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Sebbiddagi langnge’, pas ngereng Junandalem toron, GUSTE, pagundhek nong-gunong e ajunannepon Junandalem,
2 akadi apoy se ngello’ kaju, sareng mangalkal aeng. Nyata’agi kobasaepon Junandalem ka so-mosona Junandalem, sopaja sa-bangsa padha ngetter e ajunannepon Junandalem.
3 Oneng Junandalem alampa’agi lalakon se nako’e, se ta’ eka-sangka sareng abdidalem sadaja. Junandalem toron, nong-gunong e ajunannepon Junandalem agundhek sadaja.
4 Ta’ oneng badha oreng se mereng, ban tadha’ se oneng nengale ja’ salaennepon Junandalem badha diba se aberri’ partolongan ka reng-oreng se ngarep bantowanna.
5 Junandalem ngamba’ oreng se jujur sareng oreng se odhi’na atoro’ ka kasokannepon Junandalem. Junandalem duka ka abdidalem sadaja, namong abdidalem sadaja gi’ paggun agabay dusa; pajat ngabidi lamba’ abdidalem sadaja padha sala.
6 Abdidalem sadaja padha najjis, la’-mala’ lalakon abdidalem sadaja se sae gi’ cemmer sareng kotor. Abdidalem sadaja bakal mosna’a lantaran kajahadan dibi’, akadi dhaun se elop se eabber angen.
7 Tadha’ se adu’a ka Junandalem otaba se nyo’on partolongannepon Junandalem, sabab Junandalem malengos dhari abdidalem sadaja, Junandalem ta’ marduli abdidalem sadaja ancor polana dusaepon dibi’.
8 Namong Junandalem, GUSTE, Junandalem Rama abdidalem sadaja, abdidalem sadaja ka’dhinto lempong se ebadhi Junandalem; abdidalem sadaja badhiyannepon astana Junandalem.
9 Daddi Junandalem ja’ duka na-parana, GUSTE, dusa abdidalem sadaja ja’ kaemodi pole; ngereng oladi, abdidalem sadaja ommattepon Junandalem.
10 Tha-kottha socce kaagungannepon Junandalem akadi ra-ara, Yerusalim daddi tana kajal se seppe.
11 Padalemmanna Allah se socce sareng agung, kennengngannepon bangatowa abdidalem sadaja ngagungngagi Junandalem, ampon mosna ekello’ apoy; sadajana kennengngan se ekaleburi abdidalem sadaja, ampon gujur sadaja.
12 Junandalem ngoladi sadajaepon gapaneka, GUSTE, aponapa Junandalem me’ mendel? Ponapa abdidalem sadaja badhi epanneng nanggung sangsara se talebat sanget?
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA