Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Caingken min langit, nusurlah Kam TUHAN maka deleng-deleng nggirgir i adep-AdepenNdu,
2 bali ras api si erbahanca kayu gara janah luam lau ibahanna. Petangkaslah KuasaNdu man ImbangNdu, gelah bangsa-bangsa nggirgir i adep-AdepenNdu.
3 Pernah nai IbahanNdu perbahanen si mejin, perbahanen si la iarap kami bage jadina. Reh Kam nusur ku doni, emaka deleng-deleng nggirgir i adep-AdepenNdu.
4 Nuria nari la pernah ibegi manusia, la lit mata si pernah ngidahsa, Dibata si bagi Kam ulina PerbahanenNa nandangi manusia si ngarap man BaNa.
5 Ialo-AloNdu kalak si meriah iakapna erbahan bujur, si tetap nginget uga nggeluh rikutken si ngena AteNdu. Merawa Kam man kami, tapi tetap ka nge kami erdosa.
6 Kerina kami kalak perdosa, kiniulin kami pe melket nge kerina. Kami melus desken bulung-bulung si nartar, dosa kami ngkabangken kami desken angin meter.
7 La lit kami si ertoto man BaNdu, la lit si nggit njemak TanNdu. Sabap AyoNdu ItutupiNdu nandangi kami, janah IpediatNdu kami ikuasai dosa kami.
8 Tapi Kam kap Bapa kami, o TUHAN; kami taneh dah, janah desken sekalak pande kudin, itepandu kami.
9 Emaka ula min Kam nembehsa alu mesangat, dosa-dosa kami ula min lalap inget. Tataplah kami kerina, BangsaNdu kap kami enda.
10 Kota-KotaNdu si badia nggo bali ras taneh tenggiring, Jerusalem nggo meruntuh janah nggo jadi melungen.
11 Rumah Pertoton si badia dingen mehuli, ingan ersembah nini-nini kami, nggo keri kal ipan api. Kerina ingan-ingan si mejile iakap kami nggo radas kal keri.
12 TUHAN, tahan denga kin Kam ngidah si e kerina? Sinik saja kin AteNdu lalap, erbahanca ate kami tambah suina?
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA