Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Areya’ pessen parkara Cora Pangatonan: E, pandhudhu’ Yerusalim, arapa ba’na me’ ongga ka ata’na bengko?
2 Ta’ patot oreng sakottha padha apesta sambi rak-soragan kaperagen. Sabab rit-parjuridda ba’na se padha mate e dhalem paperrangan reya banne mate polana aperrang.
3 Panglimana ba’na padha buru kabbi ban etawan sabellunna sempat ngocol panana. Sakabbinna orengnga ba’na se wat-kowat padha ekenneng tawan maske la padha buru ka jauna.
4 Sateya mara onduri sengko’; dina sengko’ nangesana reng-oreng se tamaso’ tang bangsa se padha mate. Ta’ osa ngoddi alepora sengko’.
5 Pajat iya, Guste ALLAH Se Mahatenggi ban Mahakobasa la neptebbagi are reya menangka are se salbut, nako’e ban baridhu e Cora Pangatonan. Dhung-geddhungnga kottha la epagujur. E mo’-gumo’ ramme ban ro-sarowanna reng-oreng se ra’-era’an menta tolong.
6 Oreng Siria dhateng nompa’ jaran ban kareta perrang, oreng Elam dhateng asanjata gandhiba ban pana, oreng Kir nyadhiya’agi tamengnga.
7 Ra-corana Yehuda se landhu possa’ ban kareta perrang. Pasukan se nompa’ jaran la asadhiya e bang-labang sakethengnga kottha Yerusalim.
8 Partahananna Yehuda la gujur kabbi. E bakto jareya ba’na mareksa kas-pakakas perrang e gudhangnga sanjata.
9 Ba’na nangale’e geddhungnga kottha Yerusalim bannya’ se tennar se kodu epateppa’. Ba’na mareksa ko-bengko e Yerusalim, abungkar pan-barampan bengko jareya, batona eangguy mateppa’ geddhungnga kottha. Kaangguy parsadhiya’anna aeng,
10 (22:9)
11 ba’na agabay taman e dhalem kottha, epanyempen aeng se agili dhari taman se laju. Tape ba’na ta’ parduli ka Allah se la abit arancana’agi jareya kabbi, ban se madhateng kadaddiyan jareya kabbi.
12 E bakto jareya Guste ALLAH Se Mahatenggi ban Mahakobasa makon ba’na nanges, acokor ban akalambi kaen karong.
13 Tape sabaligga ba’na neng-sennengngan ban ata-pesta. Ba’na nyambelli sape ban dumba, ngakan daging ban ngenom anggur sambi aera’, "Mara padha ngakan ban ngenom, sabab lagguna sengko’ ban ba’na padha mateya!"
14 Guste ALLAH Se Mahatenggi ban Mahakobasa adhabu ka sengko’, dhabuna, "Kajahadanna reng-oreng jareya bi’ Sengko’ ta’ esapora’a maske sampe’ reng-oreng jareya mate. Sengko’, Guste ALLAH Se Mahatenggi ban Mahakobasa, la ngoca’."
15 Guste ALLAH Se Mahatenggi ban Mahakobasa makon sengko’ entar ka Sebna, kapalana roma tatanggana karaton. Sengko’ epakon manapa’ pessen se edhabuwagi PANGERAN reya,
16 "Pangrasana ba’na reya sapa? Apa ha’na ba’na me’ daddi agabay makamma dibi’ e gumo’ bato?
17 Senga’, bi’ Sengko’ ba’na ebuwanga epajauwa. Bi’ Sengko’ ba’na ecangkaremma, pas elung-gulunga, terros egulu’agiya epakantha’a tembung ka nagara se raja. E jadhiya ba’na bakal mateya e seddi’na ta-kareta se eandellagi ba’na. Ba’na la majuba’ nyamana kalowargana lorana.
18 (22:17)
19 Daddi bi’ Sengko’ ba’na epaambuwa dhari lalakonna ban epatorona dhari pangkadda se tenggi.
20 E bakto jareya Sengko’ ngologa Elyakim ana’na Hilkiya.
21 Pangangguy kabessaran ban sabbu’na ba’na bi’ Sengko’ eangguyyagiya ka Elyakim. Kakobasa’anna ba’na ebagiya kabbi ka Elyakim. Elyakim jareya bakal daddiya rama monggu ka pandhudhu’ Yerusalim ban Yehuda.
22 Bakal kobasa’a tadha’ batessa e baba’anna rato toronanna Daud. Elyakim jareya bakal neggu’a koncina karaja’an. Mon Elyakim mokka’, tadha’ se bisa notop, ban mon Elyakim notop, tadha’ se bisa’a mokka’.
23 Bi’ Sengko’ eberri’ana pangkat se koko akantha paji se cekka’ ka geddhung. Sabalana bakal ehormadana oreng lantaran Elyakim jareya.
24 Tape la-balana ban reng-oreng tanggunganna bakal maberra’a aba’na. Kabbi bakal padha’a agantonga ka Elyakim jareya, akantha polo’ se agantong e paji.
25 Mon la kantha jareya, paji se epasang epakoko rowa bakal locoda pas gaggar. Jareya dhi-budhina la-bala ban sakabbinna oreng se agantong ka Elyakim jareya. Sengko’, PANGERAN, la ngoca’."
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA