Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Areya’ pessen parkara Babil: Akantha kaleng busbus se lebat e sagara beddhi, kantha jareya padhatengnga balai dhari nagara se nako’e.
2 Sengko’ nangale’e pangatonan parkara acem-macem kadaddiyan se nako’e; parkara reng-oreng se akiyanat ban reng-oreng se padha epate’e ban epaancor. Laskar Elam, mara maju, mara serrang! Laskar Madai, mara keppong! Allah maambuwa sakabbinna kasangsara’an se esababbagi Babil.
3 Lantaran pangatonan jareya sengko’ laju bingong sampe’ ta’ bisa nangale’e ban ta’ bisa ngedhing pole. Sengko’ katako’en ban sake’, akantha oreng babine’ se rembi’a.
4 Tang ate ngalengsang; sengko’ katako’en sampe’ ngetter. Baja malem se erep-arep sengko’ o-tao coma madhateng katako’en.
5 E dhalem pangatonan jareya sengko’ nangale’e keya pesta se la ranta; katoju’anna jang-onjangan la esadhiya’agi. Kabbi padha kan-ngakan ban nom-enoman. O-tao reng-oreng jareya laju padha ngedhing parenta, "He, ra-parwira! Sadhiya’agi tamengnga!"
6 Pangeran laju adhabu ka sengko’, "Kassa’ ba’na nyaba’ oreng, soro ajaga; apa se etangale’e soro reppottagi.
7 Mon nangale’e pasukan se nompa’ jaran ajajar wa’-dhadhuwa’, pasukan se nompa’ hemar ban onta, soro abassagi patete."
8 Saellana jareya panjaga gella’ aera’, "Guste, kaula ampon ajaga sabban are seyang malem."
9 Abas, reng-oreng jareya la dhateng! Pasukan se nompa’ jaran se dhateng ajajar wa’-dhadhuwa’. Saellana jareya panjaga gella’ ngabarragi, "Babil ampon gaggar! Ca-arcana se esemba ampon ancor car-kalacer e tana!"
10 Isra’il, tang bangsa! Ba’na la enyek-enyek ban eda’-didda’ akantha gandum, tape sateya sengko’ manapa’a kabar bagus ka ba’na, kabar se ekaedhing sengko’ dhari PANGERAN Se Mahakobasa, Allahna Isra’il.
11 Areya’ pessen parkara Edom. Badha oreng se aera’ ka sengko’ dhari Edom, "He, panjaga, gi’ abit ya, malem reya? Gi’ barampa ejjam aggi’ se lagguwa?"
12 Sengko’ nyaot, "Are bakal lagguwa, tape gi’ bakal malemma keya. Mon ba’na atanya’a pole, abali dha’ enna’, atanya pole."
13 Areya’ pessen parkara Arab. He, oreng Dedan, lah-kafilahna ba’na padha akemah e but-ombudda tana Arab.
14 He, pandhudhu’ tana Tema, berri’i ngenom reng-oreng se pelka’ se nyander ka ba’na ban berri’i ngakan reng-oreng se ngongsi.
15 Sabab reng-oreng jareya buru dhari peddhang se eonos, dhari gandhiba se epenthang ban dhari perrang se teppa’ di-daddina.
16 Pangeran laju adhabu ka sengko’, "Eppas sataon aggi’ kajaja’anna ku-suku Kedar bakal obusa.
17 Kang-tokang panana Kedar reya se paleng parjuga. Tape pera’ sakone’ dhari reng-oreng jareya se salamedda. Sengko’, PANGERAN Allahna Isra’il, la ngoca’."
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA