Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Nina TUHAN, "Adi sekalak dilaki ngulihken ndeharana, jenari itadingken ndeharana ndai ia jenari sereh ka ia man dilaki si deban, lanai bo nggit perbulangenna si pemena ndube ngempoisa ka mulihi. Si e mahanca negeri e keliamen. Tapi kam o Israel, nggo nterem kal teman-temanndu dilaki. Genduari, mulihken ka kin atendu man bangKu?
2 Tataplah ku das uruk-uruk. Ma nggo kerina uruk-uruk e ibahanndu jadi inganndu erlua-lua? Itimaindu dilaki-dilaki e i tepi dalan, bali ras kalak Arab nggempangi kalak gurun pasir. Nggo iliamindu negeri enda alu erlua-lua.
3 Eme sabapna maka udan la ipesusur, janah tupung merdang pe la nusur udan ku jumandu. Amin perlangkahndu bali ras perlua-lua, tapi la kam meteh mela.
4 Genduari nindu man bangKu, 'Kam kap bapangku si erkeleng ate man bangku, mulai kin kitik-kitikku nari.
5 Labo kap rasa lalap AteNdu nembeh kempak aku, labo lalap AteNdu la erteman ras aku.' Bage me nindu man bangKu, o Israel, tapi ipekerindu kal asa ngasupndu erbahan si jahat."
6 Nina TUHAN tupung Josia jadi raja, "Nggo idahndu kai si ilakoken Israel, diberu si la patuh e? Itundalkenna Aku, emaka i babo tep-tep uruk-uruk ras i teruh tep-tep batang kayu galang seri perbahanenna ras sekalak diberu si pencarinna erlua-lua.
7 Kuakap kin maka mulihken nge ia bangKu kenca ilakokenna kerina si e, tapi lang kepe; janah Juda, eme agi diberu si ngelandih e, nggo ngidah kerina si e.
8 Juda ngidah pe maka Aku nggo nulak Israel, janah kupelawes ia erkiteken itundalkenna Aku, jenari jadi diberu perlua-lua ia. Tapi Juda, agi Israel si ngelandih e, la mbiar ngidah si e. Ia pe ikut ka jadi perlua-lua,
9 dingen la iakapna mela pe. Ikaruskenna negeri enda dingen erlua-lua alu nembah man batu-batu ras batang-batang kayu belin.
10 I babo si e kerina Juda si ngelandih e, eme agi Israel, pekulah-kulah ngenca ia mulihken man bangKu, labo alu ate tutus. Aku TUHAN kap si ngerana."
11 Nina TUHAN man bangku maka aminna pe Israel nggo nadingken Ia, nggo icidahkenna maka bujuren ia asangken Juda si ngelandih e.
12 IsuruhNa aku lawes ngataken man Israel, "O Israel si ngelandih, mulihkenlah man bangKu, Aku perkuah dingen labo kam Kurawai rasa lalap.
13 Si penting gelah nggo ietehndu lepakndu, maka kam erpekat ngelawan Aku, TUHAN Dibatandu. Akuken maka iteruh tep-tep batang kayu galang nggo iberekenndu kekelengenndu man dibata-dibata si deban janah la ipatuhindu perentahKu. Aku TUHAN si ngerana."
14 "Mulihkenlah, o bangsa si la setia, si kerajangenKu kam kap. Kubuat kam sekalak i bas tep-tep kota nari, dingen dua kalak i bas tep-tep terpuk; jenari Kubaba kam mulih ku Sion.
15 Aku merekenca man bandu peminpin si patuh man bangKu, jenari ia si minpin kam alu kepentaren dingen pengertin.
16 Gelah kenca kam nterem dingen meriah i bas negeri enda lanai icakapken kalak kerna Peti PerjanjinKu. Lanai ia rukur dingen lanai iingetna Peti e, lanai ia perlu pe dingen lanai ibahanna pe si deban.
17 Kenca nggo seh paksana, ikataken kalak maka Jerusalem kap "Kursi Kinirajan TUHAN," janah kerina bangsa pulung ku je nembah man bangKu. Lanai iikutkenna perukurenna si mersik dingen jahat.
18 Israel erteman ras Juda dingen ras-ras ia mulih i taneh pembuangen i Utara nari ku negeri si nggo Kubereken man nini-ninindu jadi si kerajangenna rasa lalap."
19 Nina TUHAN, "O Israel, ateKu Kualoken kam jadi anakKu, Kubereken ateKu negeri si seh kal randalna, eme negeri si mejilena i babo doni enda kerina. AteKu maka erbapa kam man bangKu, jenari ndigan pe ula nari itundalkenndu Aku.
20 Tapi bali ras sekalak ndehara si la setia, bage me kam la setia man bangKu. Aku, TUHAN kap si ngerana."
21 I datas uruk-uruk terbegi sora megang. Kalak Israel nderkuh mindo penampat, erkiteken nggo ipilihna dalan si mbengkuk, itundalkenna TUHAN Dibatana.
22 Mulihlah, o kam kerina kalak si nggo papak, Aku si pepalem kam dingen mahanca kam setia. Nindu, "Ue reh kami ndahi TUHAN, sabap ia kap Dibata kami.
23 Lanai kami mindo penampat man gana-gana i datas uruk-uruk.
24 Tapi nembah kami man Baal dibata-dibata si njuruken e erbahanca nggo bene kerina rarasen si ipermakani kami, bage pe anak-anak kami si dilaki ras si diberu. Kerina upah latih nini-nini kami si nai-nai pe bene kerina.
25 Emaka arus kita ampar perbahan melana, jenari si pediat si erbahanca siakap mela e namburi kita. Kita ras nini-nininta gelgel erdosa nandangi TUHAN Dibatanta, la pernah si ikutken PerentahNa."
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA