Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ On do hata na roh humbani Jahowa bani si Jeremia, sanggah isuruh Raja Sedekia si Pashur, anak ni si Malkia, ampa Malim Sepanya, anak ni si Maaseya hu bani mangkatahon,

² “Sungkun ham ma lobei bennami humbani Jahowa, ai iporang si Nebukadnesar, raja ni Babel do hanami nuan; andohar ra Jahowa mambahen bennami halongangan songon na somal hinan ibahen, ase misir ia hun bennami.”

³ Jadi nini si Jeremia ma hubani sidea, “Sonon ma hatahon hanima hubani si Sedekia.

⁴ Sonon do hata ni Jahowa, Naibata ni Israel, ʻTonggor ma, pabalikon-Ku do sinjata hamunsuhon na i tangannima, na pinakeinima marmunsuh i darat ni tembok ai dompak raja ni Babel ampa dompak halak Kasdim, na mangkubu hanima, anjaha tarikon-Ku do ai haganup hubagas huta on.ʼ

⁵ Ahu sandiri do marmunsuh dompak hanima marhitei tangan na gostong ampa botohon na gogoh, marhitei ringis ampa gila na parah.

⁶ Anjaha bunuhon-Ku do pangisi ni huta on, jolma, sonai age pinahan; marmateian do sidea halani sampar na parah.ʼ

⁷ Dob ai, nini Jahowa ma, ʻOndoskonon-Ku do si Sedekia, raja ni Juda, ampa gamot-gamotni, halak na mabuei ibagas huta on, na niliouan ni sampar, podang ampa lohei, hu tangan ni si Nebukadnesar, raja ni Babel, ampa hu tangan ni munsuh ni sidea, na manguhurhon hosah ni sidea. Bunuhonni ma sidea marhitei podang; seng maidop uhurni mangidah sidea, atap liouanni sidea, atap malang uhurni mangidah sidea.ʼ

⁸ Ambahni ai hatahon ma bani bangsa on, sonon do hata ni Jahowa, ʻTonggor ma, Ahu do mannahkon i lobeinima dalan hagoluhan ampa dalan hamatean.

⁹ Atap ise na tading ibagas huta on, maningon do matei marhitei podang, lohei ampa sampar; tapi atap ise na mandarat anjaha na lintun hubani halak Kasdim na mangkubu hanima, manggoluh ma ia, bani ma hosahni songon taban-taban.

¹⁰ Ai domma Hudompakkon bohing-Ku dompak huta on laho mangagouhon, sedo laho padearhon,” nini Jahowa, “Ondoskononkon do huta on hubagas tangan ni Raja Babel, anjaha tutungonni ma on.

¹¹ Bani ginompar ni raja ni Juda, hatahon ma, ʻTangihon hanima ma hata ni Jahowa,

¹² ale ginompar ni si Daud!ʼ Sonon do hata ni Jahowa, ʻDalankon ma uhum na pintor ganup sogod, anjaha paluah hanima ma na sinamun humbagas tangan ni sipangodoh-odoh, ase ulang roh ringis-Ku songon apuy anjaha gara, seng dong na boi mangintopi, halani hajahaton ni pambahenannima.ʼ

¹³ Tonggor ma, na roh do Ahu manlawan ho, ale huta, na marianan i atas ni dolog batu, na bani habungan,” nini Jahowa, “Hanima na mangkatahon, ʻIse ma na tuad manlawan hita, anjaha ise ma na boi mammasuki iananta?ʼ

¹⁴ Luluhonon-Ku do bannima romban hubani buah ni pambahenannima,” nini Jahowa, “Nahitan-Ku do apuy ibagas haranganni, anjaha boiskononni ma haganup na manliotisi.”

Yeremia

Video Yeremia 21

Ikuti Kami:

KONTAK | PARTISIPASI | DONASI