Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Zedekiya rato Yehuda ngotos Imam Pasyhur ana’na Malkiya, ban Imam Zefanya ana’na Ma’aseya. Mam-imam jareya epakon manapa’ pessen reya ka sengko’,

² "Nyo’onnagi petodu ka PANGERAN, sabab samangken Nebukadnezar sareng pasukanna ngeppong kotthana sampeyan sareng kaula. Pasera oneng pola PANGERAN me’ kasokan madhateng mo’jijat, maksa Nebukadnezar manyorot pasukanna."

³ PANGERAN pas abu-dhabu ka sengko’, daddi sengko’ pas nyoro reng-oreng otosan gella’

⁴ manapa’ ka Zedekiya ja’ PANGERAN, Allahna Isra’il, adhabu kantha reya, "Zedekiya, pasukanna ba’na se teppa’na aperrang ngadhebbi rato Babil ban pasukanna bi’ Sengko’ epakala’a. Ta-sanjatana tantarana ba’na bi’ Sengko’ etompo’a e nga’-tengnga’anna kottha.

⁵ Sengko’ dibi’ merrangana ba’na kalaban ngabbiyagi Tang kakowadan sarta kalaban peggella Tang ate se wa-ngalowa.

⁶ Pandhudhu’ kottha reya bi’ Sengko’ epateyana; manossa sarta ban-keban bakal mateya polana wabah panyaket se nako’e.

⁷ Ba’na ban ba-ponggabana sarta reng-oreng se salamet dhari paperrangan, kalaparan ban wabah panyaket, bi’ Sengko’ edina’a etangkep bi’ Rato Nebukadnezar sarta so-moso se terro mateyana ba’na. Ba’na kabbi bakal epateyana bi’ Nebukadnezar ta’ kalaban andhi’ ate bellas. Sengko’, PANGERAN, la ngoca’."

⁸ PANGERAN pas makon sengko’ ngoca’ kantha reya ka ommadda, "Edhingngagi! Sengko’, PANGERAN, aberri’a jalan ka ba’na; ba’na olle mele: jalan se nojju ka odhi’, otabana jalan se nojju ka pate.

⁹ Saneyap oreng se paggun neng e kottha bakal mateya polana perrang, kalaparan otabana wabah panyaket. Tape oreng se kalowar atellok ka oreng Babil se teppa’na nyerrang kottha reya, bakal salamedda ban ta’ epate’e.

¹⁰ Sengko’ la motossagi maancora nagara reya, ban sengko’ ta’ ekaemanana. Kottha reya epassra’agiya ka Rato Babil; bi’ rato Babil bakal eobbara sampe’ tadha’ karena. Sengko’, PANGERAN, la ngoca’."

¹¹ PANGERAN makon sengko’ manapa’ dhabuna reya ka kalowargana rato Yehuda, toronanna Daud, "Mara edhingngagi apa se ekoca’agiya Sengko’, PANGERAN. Ehteyarragi sopaja kaadilan ejalannagi sabban are. Tolong oreng se eperres dhari kakobasa’anna oreng se merres. Mon enja’, kajahadan se la elakone ba’na tanto marabbang peggella Tang ate akantha apoy se ta’ ekenneng pate’e."

¹² (21:11)

¹³ Saellana jareya PANGERAN adhabu ka Yerusalim, "He Yerusalim! Kennengnganna ba’na atenggiyan dhari ra-cora e sakalenglengnga ba’na. Ba’na akantha gumo’ bato se ngo’bul e tana se rata, tape Sengko’ aperranga ban ba’na. Ba’na ngoca’ ta’ kera badha se bisa nyerrang ba’na otabana se arosak teng-bintengnga ba’na.

¹⁴ Tape Sengko’ ngokoma ba’na polana lalakonna ba’na. Karatonna bi’ Sengko’ eobbara, ban sabarang se badha e sabingkerra eobbara keya. Sengko’, PANGERAN, la ngoca’."

Yeremia

Video Yeremia 21

Ikuti Kami:

KONTAK | PARTISIPASI | DONASI