Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Saellana jareya sengko’ ngedhing Allah adhabu, "Mara dha’ enna’ ba’na, reng-oreng se ajalannagiya Tang okoman ka kottha reya. Giba ta-sanjatana."

² Pas badha oreng kaennem kalowar abareng dhari lowaranna labang saketheng bagiyan Dhajana Padalemman Socce, padha ngeba sanjata bang-sebang. Badha oreng akalambi linen se ngeba pakakas toles abareng ban reng-oreng jareya. Reng-oreng jareya kabbi maso’, laju manjeng e seddi’anna mezba paronggu.

³ Pas badha sonar agalirap se nandha’agi kahadiranna Allahna Isra’il hadir e jadhiya. Sonar jareya kalowar dhari rub-kerub, se pas ngalle dhari kennengngan se asal jareya ka labang se elebadi oreng mon maso’a ka Padalemman Socce. PANGERAN laju nembali oreng se akalambi linen jareya, dhabuna,

⁴ "Kassa’ entar ka sabalattrana kottha, berri’i tandha dhaina saneyap oreng se sossa polana sakabbinna tengka se majitjit se elakone oreng e kottha reya."

⁵ Sengko’ ngedhing Allah adhabu ka reng-oreng laenna, "Toro’ oreng jareya ka sabalattrana kottha. Pate’e sakabbinna oreng, ja’ sampe’ badha se talopot.

⁶ Pate’e sakabbinna lalake’an ban babine’an, towa ngodha, oreng towa ban na’-kana’. Tape ja’ sedding oreng se badha tandhana e dhaina. Molae dhari dhinna’, dhari Tang Padalemman reya." Daddi reng-oreng jareya laju molae ajalannagi papakon jareya kalaban mate’e para pamimpin Isra’il se teppa’na manjeng e Padalemman Socce.

⁷ Allah adhabu ka reng-oreng jareya, "Pacemmer Tang Padalemman reya! Possa’e sakabbinna taneyanna bi’ yit-mayyit. Mara molae!" Daddi reng-oreng jareya molae mate’e reng-oreng se badha e dhalem kottha.

⁸ Saabidda reng-oreng jareya ajagal reng-oreng Isra’il, sengko’ badha e jadhiya kadibi’an. Sengko’ asojud sambi aera’, "Guste ALLAH Se Mahatenggi, ponapa Junandalem ce’ dukana ka Yerusalim kantos sadaja oreng se gi’ badha e Isra’il ka’dhinto padha epateyana?"

⁹ Saodda Allah, "Reng-oreng Isra’il ban Yehuda la agabay dusa se talebat rajana. Mate’e oreng e man-dhimman, ban Yerusalim ekotore ban kajahadan. Reng-oreng jareya ngoca’ ja’ Sengko’ la nyengla dhari nagara reya daddi ta’ bisa nangale’e tengkana reng-oreng jareya.

¹⁰ Sengko’ ta’ neserra ka reng-oreng jareya. Bi’ Sengko’ reng-oreng jareya eokoma epakantha’a se elakone reng-oreng jareya ka reng-oreng laenna."

¹¹ Saellana jareya oreng se akalambi linen rowa abali laju areppot ka PANGERAN, atorra, "Sadajana papakonnepon Junandalem ampon lastare elakone."

Yehezkiel

Video Yehezkiel 9

Ikuti Kami:

KONTAK | PARTISIPASI | DONASI