Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Dob ai roh ma hata ni Jahowa hu bangku, mangkatahon,
2 “Ale anak ni jolma, dompakkon ma bohimu hu Dolog Seir, anjaha manjahai ma ho pasal ai!
3 Hatahon ma hu bani: Sonon do hata ni Tuhan Jahowa: Imbang-Ku do ho, ale Dolok Seir, pagostongon-Ku do tangan-Ku dompak ho, anjaha bahenon-Ku do ho gabe halimisan anjaha tarulang.
4 Parreongon-Ku do huta-hutamu, maningon gabe halimisan do ho, ase itanda ho, Ahu do Jahowa.
5 Halani humbani sapari mammunsuhi lalab uhurmu, anjaha iondoskon ho halak Israel bani podang, sanggah panorang hasosakanni, bani panorang hagogok ni uhum bani sidea,
6 halani ai, songon sintongni manggoluh Ahu, nini Tuhan Jahowa, bahenon-Ku do ho margulu-gulu daroh, seng tarlembangi ho na marlapu-lapu daroh ai; halani marsalah ho marhitei na manduruskon daroh, halani ai maningon durus do darohmu.
7 Bahenon-Ku do Dolok Seir gabe halimisan anjaha tarulang, anjaha rotapon-Ku do hunjai sagala na masuk ampa na luar.
8 Gok do bahenon-Ku dologmu bani na tarbunuh, radag do halak na tarbunuh bani dolog-dologmu, bani habunganmu ampa bani binanga-binangamu.
9 Bahenon-Ku do ho gabe halimisan ronsi sadokah ni dokahni, anjaha hutamu pe lang be ianonkon, ase itanda ho, Ahu do Jahowa.
10 Halani ihatahon ho: Na dua bangsa on ampa na dua nagori on maningon bangku do ai, maningon ahu do gabe simada ai! (hape ijai do Jahowa.)
11 Halani ai, songon sintongni manggoluh Ahu, nini Tuhan Jahowa, maningon bahenon-Ku do bam romban hubani ringismu ampa romban hubani simburumu dompak sidea halani domdommu mangidah sidea; patandahonon-Ku do diring-Ku i tongah-tongahnima marhitei uhum sidabuhon-Ku bannima.
12 Jadi botohonmu ma, Ahu do Jahowa, na manangar haganup panrisaimu dompak dolog ni Israel, marhitei na mangkatahon, Domma iparseda ai! Sibonduton do ai ibere banta!
13 Ipabanggal ho do dirimu dompak Ahu marhitei pamanganmu, ipabuei ho do sahap-sahapmu dompak Ahu; Hubogei do ai.
14 Sonon do hata ni Tuhan Jahowa: Songon malas ni uhurmu bani tanoh-Ku na tarulang in, sonai do mangonai bam bahenon-Ku.
15 Songon malas ni uhurmu mangidah parbagianan ni Israel na maseda in, sonai do mangonai bam bahenon-Ku; maningon gabe halimisan do ho, ale Dolok Seir ampa ho haganup, ale Edom, ase itanda hanima, Ahu do Jahowa.”
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA