Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 PANGERAN adhabu ka sengko’,
2 "He, manossa se ta’ langgeng, mara basto Edom rowa.
3 Kabala ka reng-orengnga apa se ekoca’agi Sengko’, GUSTE Allah Se Mahatenggi, ka bangsa jareya, ‘Sengko’ reya mosona ba’na, e pandhudhu’ pagunongan Edom! Tanana ba’na bi’ Sengko’ epadaddiya kennengngan se seppe se ta’ ekennengnge oreng, ban tha-kotthana ba’na epadaddiya jur-gujuran. Daddi ba’na me’ olle tao ja’ Sengko’ reya PANGERAN.
4 (35:3)
5 Dhari lamba’ ba’na amoso ka Isra’il, ra’yadda bi’ ba’na epanneng ejagal e bakto katebanan balai menangka okoman se dhi-budhina polana sa-dusana.
6 Daddi bit nyamana Sengko’, Allah se odhi’, GUSTE Allah Se Mahatenggi, maot daddi nasibba ba’na, ban ba’na ta’ kera bisa lolos dhari jareya. Ba’na sala lantaran mate’e oreng, daddi ba’na bakal etoro’a bunte’ oreng se mateyana ba’na keya.
7 Tha-kotthana ba’na e pagunongan Edom bi’ Sengko’ epadaddiya kennengngan se seppe, ban pa’-sapa’a se lebat e jadhiya bi’ Sengko’ epateyana.
8 Nong-gunong bi’ Sengko’ etopowana yit-mayyidda ba’na, gumo’ ban cora bi’ Sengko’ epossa’ana ban kurbanna paperrangan.
9 Nagarana ba’na bi’ Sengko’ epadaddiya ra-ara salanjangnga, tana se ta’ ekennengngana oreng. Daddi ba’na tao ja’ Sengko’ reya PANGERAN.
10 Ba’na ngoca’ ja’ Yehuda ban Isra’il sarta tanana andhi’na ba’na, ban bakal ekaandhi’a ba’na maske Sengko’, PANGERAN reya, Allahna Yehuda ban Isra’il.
11 Daddi, bit nyama Sengko’, Allah se odhi’, GUSTE Allah Se Mahatenggi, Sengko’ malessa sake’na Tang ate ka ba’na, polana ba’na peggel, tamburuwan ban baji’ ka Tang ommat. Tang ommat jareya bakal taowa ja’ ba’na eokom bi’ Sengko’ polana lalakonna ba’na ka bangsa se dhadhuwa’ jareya.
12 Daddi ba’na tao ja’ Sengko’, PANGERAN, la ngedhing ja’ ba’na nye-ngenye Sengko’ e bakto ba’na ngoca’: Nong-gunong Isra’il la seppe ban la epassra’agi daddi tang kakanan.
13 He, bangsa Edom, ba’na raja colo’ ban sombong pacacana ka Sengko’. Sengko’ la ngedhing jareya kabbi.
14 Sengko’ GUSTE Allah Se Mahatenggi ngoca’a: Oreng sadunnya bakal peraga e bakto nagarana ba’na bi’ Sengko’ epadaddi ra-ara se seppe,
15 akantha ba’na se perak e bakto nangale’e Isra’il Tang andhi’ rowa daddi seppe. Nong-gunong Seir, la’-mala’ saantero tana Edom bakal daddiya seppe. Daddi oreng bakal taowa kabbi ja’ Sengko’ reya PANGERAN.’"
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA