Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Dob ai roh ma hata ni Jahowa hu bangku, mangkatahon,
2 “Ale anak ni jolma, aha do hasurungan ni hayu ni hayu anggur marimbang hayu ni hayu na legan atap ranting ni hayu anggur ai i tongah-tongah ni hayu harangan.
3 Ai adong do tarbuat hunjai parhayu? Ai ibuat halak do hunjai sangkotan bahen panangkotan ni ugas-ugas?
4 Tonggor ma, ibahen do ai pagara apuy; anggo domma iboiskon apuy tampakanni na dua ai, anjaha tongah-tongahni ai monsong, ai marguna ope atap bahen aha ai?
5 Tonggor ma, gari sanggah dear ope ai, seng ipargunahon atap bahen aha pe; samintolah ma dob monsong, mintor marguna ma ai atap aha pe?”
6 Halani ai sonon do hata ni Tuhan Jahowa, “Songon hayu ni hayu anggur i tongah-tongah ni hayu harangan Hubahen gabe sipanganon ni apuy, sonai do ondoskonon-Ku pangisi ni Jerusalem.
7 Dompakkonon-Ku do bohing-Ku mangimbang sidea; age pe maluah sidea humbani apuy ai, tapi boiskonon ni apuy do sidea; jadi botohonnima ma, Ahu do Jahowa anggo Hudompakkon ma bohing-Ku mangimbang sidea.
8 anjaha tarulang hubahen tanoh ai, halani mangosei padan sidea,” nini Tuhan Jahowa.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA