Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Kata TUHAN seh man bangku nina,
2 "O manusia si ermasap-masap, lit kin kelebihenna kayu batang anggur i bas kayu-kayu si deban si seri buahna ras anggur?
3 Terpake kin akapndu kayuna e jadi sangketen kailah gia?
4 Kayu batang anggur jadi ranting ngenca lakonna. Janah adi ujung-ujungna nggo meseng, i tengah nggo raci, banci denga kin jadi kailah gia?
5 Ope denga meseng pe la erguna, apai denga ka kenca meseng dingen raci, tentu lebih la erguna ka."
6 Genduari bagenda nina TUHAN si Erdolat, "Bali ras sada batang anggur si ibuat i bas kerangen nari jenari iciluk, bage me kalak si ringan i Jerusalem kubuat,
7 jenari Kuukum. Aminna pe nggo pulah ia i bas api nari, genduari alu api ka nge ia ikernepken. Kenca Kuukum ia, ietehndu me maka Aku kap TUHAN.
8 Kalak e lanai patuh man bangKu, emaka negeri e Kubahan jadi taneh si terulang." Bage nina TUHAN si Erdolat.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA