Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 PANGERAN adhabu ka sengko’,
2 "He, manossa se ta’ langgeng, apa kalebbiyanna kaju anggur reya dhari kaju laenna e alas? Apa kalebbiyanna bungkana anggur dhari ka’-bungka’an laenna e alas?
3 Apa kajuna ekenneng kabay-gabay? Apa ekenneng kagabay panyangke’an pagantonganna pakakas?
4 Tadha’ gunana kajabana ekakaju. Ban mon konco’ ban bungkella ekello’ apoy, ban bagiyan tengngana la daddi areng, apa gi’ badha gunana?
5 Tadha’! La’-mala’ sabellunna eobbar bai la ta’ ekenneng gabay pa-apa. Apa pole saellana eobbar ban ekello’ apoy!"
6 Daddi GUSTE Allah Se Mahatenggi adhabu, "Akantha kajuna bungkana anggur se ekala’ dhari alas pas eobbar, pandhudhu’ Yerusalim bi’ Sengko’ epakantha’a jareya keya!
7 Bi’ Sengko’ eokoma. Maske reng-oreng jareya lopot dhari apoy, tape bakal mateya ban apoy keya. Daddi ba’na tao ja’ Sengko’ reya PANGERAN.
8 Reng-oreng jareya ta’ esto ka Sengko’, daddi tana reya bi’ Sengko’ epadaddi ra-ara. Sengko’, GUSTE Allah Se Mahatenggi la ngoca’."
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA