Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Sengko’ pas ngabas ka kubah se badha e attassa cethagga rub-kerub rowa, ban sengko’ pas nangale’e badha se akantha tahta dhari bato nilam.
2 Allah laju adhabu ka oreng se akalambi linen rowa, "Kassa’ maso’ e antarana dha-rodha se badha e baba’anna rub-kerub rowa, pas ngala’ mardha sapergem. Mardha jareya pas tabur ka attassa kottha." Sengko’ ngabassagi oreng jareya maso’ menorot dhabuna Allah.
3 E bakto oreng jareya maso’, rub-kerub rowa teppa’na manjeng e lao’na Padalemman Socce. Badha ondhem se mossa’e taneyan dhalem ban saantero Padalemman Socce.
4 Sonar se agalirap se nandha’agi PANGERAN hadir e jadhiya, kalowar dhari rub-kerub jareya, pas ngalle ka labang jalanna maso’ ka Padalemman Socce, sampe’ taneyanna tera’ tar-kataran.
5 Monyena kalembangnga rub-kerub jareya ekaedhing sampe’ ka taneyan lowar, akantha sowarana Allah Se Mahakobasa.
6 Saellana PANGERAN makon oreng se akalambi linen rowa ngala’ mardha sapergem dhari antarana dha-rodha e baba’anna rub-kerub gella’, oreng jareya maso’, pas manjeng e seddi’na sala settonganna rodha se dhadhuwa’ gella’.
7 Sala settong e antarana rub-kerub gella’ ngala’ mardha se badha e antarana rub-kerub jareya, pas ejuluwagi ka oreng se akalambi linen jareya. Oreng jareya laju ondur sambi ngeba mardha buru.
8 Sengko’ nangale’e e baba’anna saneyap kerub jareya badha barang se katon akantha tanangnga manossa.
9 Sengko’ nangale’e keya e erenganna rub-kerub jareya padha badha rodhana bang-sebang. Rodha se pa’-empa’ jareya dha-padha, agalirap akantha mamatan se bagus. E nga’-tengnga’anna rodha se pa’-empa’ jareya padha badha rodha laenna.
10 (10:9)
11 Kalaban cara se kantha jareya, rub-kerub jareya bisa ajalan ka kangan ban ka kacer, ka adha’ ban ka budhi, ta’ osa apoter. Kabbi bisa ajalan dha’ emma’a bai sakarebba, ta’ kalaban apoter.
12 Badanna rub-kerub jareya, balikadda, tanangnga, kalembangnga ban dha-rodhana, possa’ ban mata.
13 Sengko’ ngedhing ja’ dha-rodha jareya enyamae "rodha lengleng".
14 Saneyap kerub jareya padha andhi’ mowa pa’ macem ebang. Se nomer settong aroba bantheng, se nomer dhuwa’ aroba manossa, se nomer tello’ aroba macan, ban se nomer empa’ aroba rajabali.
15 Rub-kerub jareya se lamba’ etangale sengko’ e penggirra Songay Kebar. Mon rub-kerub jareya aguli otaba menthang kalembangnga, ongga ka bang-abang ban maju sambi ngabber otabana ambu, dha-rodha jareya ros-terrosan noro’agi, sabab dha-rodha jareya ekobasae bi’ rub-kerub jareya.
16 (10:15)
17 (10:15)
18 Saellana jareya sonar se agalirap se nandha’agi ja’ PANGERAN hadir e jadhiya ngalle dhari labang palebadanna oreng mon maso’a ka Padalemman Socce rowa ka attassa rub-kerub buru.
19 Sengko’ nangale’e rub-kerub jareya ngabber dhari tana, ban dha-rodhana noro’agi. Saellana pas ambu e seddi’na labang sakethengnga Padalemman Socce se badha e bagiyan temor, dineng sonar se agalirap rowa badha e attasanna.
20 Sengko’ pas enga’ ja’ jareya rub-kerub se lamba’ etangale’e sengko’ e baba’anna Allahna Isra’il, e Songay Kebar.
21 Rub-kerub jareya padha andhi’ mowa pa’-empa’ ebang, kalembang dhu pasang ebang, ban barang se akantha tanangnga manossa e baba’anna kalembangnga bang-sebang.
22 Mowana padha ban mowana rub-kerub se etangale’e sengko’ e Songay Kebar. Pajalanna padha loros ka adha’.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA